ഡല്ഹിയില് അന്തരീക്ഷമലിനീകരണം മരണപ്പെട്ടത് 14,800 പേര്; മുംമ്പൈ ബംഗളൂരുവിലും ചെന്നൈ എന്നീ നഗരങ്ങളും അപകടാവസ്ഥയില്
രാജ്യത്തിന്റെ തലസ്ഥാനമായ ഡല്ഹിയില് അന്തരീക്ഷ മലിനീകരണ മൂലം പതിനയ്യായിരത്തോളം പേരുടെ ജീവനെടുത്തതായി പഠനം. സൂക്ഷ്മ കണങ്ങള് മൂലമുള്ള മലിനീകരണം കാരണം 2016ല് ഡല്ഹിയില് 14,800 പേര് അകാലമരണത്തിന് വിധേയമായെന്നാണ് കണ്ടെത്തിയിരിക്കുന്നത്. തായ്്ലന്ഡ്, സിംഗപ്പൂര്, െഎ.െഎ.ടി ബോംബെ എന്നിവിടങ്ങളിലെ ഗവേഷകര് സംയുക്തമായി നടത്തിയ പഠനത്തിലാണ് ഞെട്ടിപ്പിക്കുന്ന കണ്ടെത്തല്
ഏഷ്യന് ഭൂകണ്ടത്തിലെ 13 നഗരങ്ങളില് മലിനീകരണം മൂലം 2016ലുണ്ടായ മരണങ്ങളെക്കുറിച്ച് നടത്തിയ പഠനത്തിലാണ് ഡല്ഹിയില് ഇത്രയധികം പേര് പി.എം2.5 മൂലം മരണപ്പെട്ടതെന്ന് കണ്ടെത്തിയത്. അന്തരീക്ഷത്തിലെ സൂക്ഷ്മ ദ്രവ, ഖര കണങ്ങളുടെ മിശ്രിതമാണ് പര്ട്ടിക്കുലേറ്റ് മാറ്റര് അഥവാ പി.എം. അവയില് തന്നെ 2.5 മൈക്രോമീറ്ററില് താഴെയുള്ള മലിനീകാരികളാണ് പി.എം2.5. ശ്വാസകോശത്തില് അടിഞ്ഞുകൂടാന് മാത്രം സൂക്ഷ്മമായ ഇവ പക്ഷാഘാതം, ശ്വാസകോശ അര്ബുദം, ശ്വാസകോശനാളീ രോഗങ്ങള് തുടങ്ങിയവക്കിടയാക്കും. പഠനവിധേയമായ മറ്റ് ഇന്ത്യന് നഗരങ്ങളില് മുംബൈയില് 10,500 പേരും കൊല്ക്കത്തയില് 7300 പേരും ബംഗളൂരുവിലും ചെന്നൈയിലും 4800 പേരും അന്തരീക്ഷ മലിനീകരണം മൂലം അകാല ചരമമടഞ്ഞു.
നഗരങ്ങളിലെ അന്തരീക്ഷ മലിനീകരണം കുറക്കുന്നതിനും വായുവിന്റെ ഗുണനിലവാരം ഉയര്ത്താനുമുള്ള അടിയന്തര നടപടികള് എടുത്താലേ ഇത്തരം അകാലമരണങ്ങള് ചെറുക്കാനാവൂ എന്ന് പഠന സംഘത്തിലെ ഗവേഷകരിലൊരാളായ കമല് ജ്യോതി മാജി പറഞ്ഞു. എല്സ്വെയ്സ് പ്രോസസ് സേഫ്റ്റ് ആന്ഡ് എന്വയണ്മന്റെ് പ്രൊട്ടക്ഷന് ജേണലില് ഈ പഠനം ഉടന് പ്രസിദ്ധീകരിക്കും.
https://www.facebook.com/Malayalivartha