ബിജെപി രാജ്യത്ത് 'താലിബാന്‍ ഹിന്ദൂയിസ'ത്തിന്റെ അന്തരീക്ഷം സൃഷ്ടിക്കാന്‍ ശ്രമിക്കുകയാണെന്ന മമതയുടെ പ്രസ്താവനയാണ് ജസ്വന്ത് സിങ് യാദവിനെ പ്രകോപിപ്പിച്ചത്. മമതയ്ക്ക് അറിവില്ലെന്നും, രാജ്യസ്‌നേഹമില്ലെന്നും. എല്ലാ ഹിന്ദു സംഘടനകളും തീവ്രനിലപാടുകാരണെന്ന അവരുടെ പ്രസ്താവന ലജ്ജാകരമാണെന്നും. മാനസികനില ശരിയല്ലാത്ത മമത ഹിന്ദുമതം ഉപേക്ഷിക്കണമെന്നുമാണ് ജസ്വന്ത് സിങ് യാദവ് പറഞ്ഞത്. നിയമം കൈയ്യിലെടുക്കുന്നത് അപലപനീയമാണെങ്കിലും ഹിന്ദുമതത്തിന്റെ വികാരങ്ങളെ വ്രണപ്പെടുത്തുന്ന നടപടികള്‍ ക്ഷമിക്കുകയില്ലെന്ന് അദ്ദേഹം പറഞ്ഞു. രാജ്യത്തിന്റെ ഐക്യത്തിനു വേണ്ടി പശുക്കടത്തും ഗോവധവും ഉപേക്ഷിക്കണമെന്നും ജസ്വന്ത് സിങ് യാദവ് ആവശ്യപ്പെട്ടു.

കഴിഞ്ഞ ആഴ്ച രാജസ്ഥനിലെ അല്‍വാര്‍ ജില്ലയില്‍ പശുവിനെ കടത്തിയെന്ന ആരോപിച്ച് റക്ബര്‍ ഖാനെന്ന യുവാവിനെ ഗോസംരക്ഷകര്‍ മര്‍ദിച്ചു കൊന്നിരുന്നു. ഇതിനെതിരെയാണ് ബിജെപി, താലിബാന്‍ മാതൃകയിലുള്ള ഹിന്ദുത്വവും വര്‍ഗ്ഗീയതയും സൃഷ്ടിക്കാന്‍ ശ്രമിക്കുകയാണെന്ന ആരോപണവുമായി മമത ബാനര്‍ജി രംഗത്തെത്തിത്. കൊലപാതകത്തില്‍ മൂന്നു പേരെ പൊലീസ് അറസ്റ്റു ചെയ്തിരുന്നു.