യമുന കരകവിഞ്ഞൊഴുകി...സമീപമുള്ള വീടുകളില് വെള്ളം കയറിയതോടെ ജനങ്ങള് വീട് വിട്ട് തെരുവിലേക്ക്
യമുന നദിയില് ജലനിരപ്പുയര്ന്ന് വെള്ളപ്പൊക്ക ഭീഷണി നേരിട്ടതോടെ വീടൊഴിഞ്ഞ ജനങ്ങള്ക്ക് അഭയം തെരുവുകള് മാത്രം. സര്ക്കാറിന്റെ ദുരിതാശ്വാസ കേന്ദ്രങ്ങളില് സ്ഥലമില്ലാത്തതിനെ തുടര്ന്നാണ് വീടൊഴിഞ്ഞവര്ക്ക് റോഡരകില് കിടക്കേണ്ടി വന്നത്. ജലനിരപ്പ് അപകടകരമാം വിധം ഉയര്ന്ന് യമുന കരകവിഞ്ഞതോടെ പഴയ യമുന പാലത്തിനു സമീപമുള്ള വീടുകളില് വെള്ളം കയറി. തുടര്ന്ന് ജനങ്ങള് വീടൊഴിഞ്ഞു പോവുകയായിരുന്നു.എന്നാല് ഇവര്ക്ക് സര്ക്കാര് ഒരു സഹായവും നല്കിയില്ലെന്ന ആരോപണമാണ് ഉയര്ന്നിരിക്കുന്നത്.വെള്ളം കയറിയതിനാലാണ് വീടൊഴിഞ്ഞത്.
എന്നാല് സര്ക്കാറിന്റെ ഭാഗത്തു നിന്ന് ഒരു പിന്തുണയും ലഭിക്കുന്നില്ല. തെരുവുകളില് താമസിക്കാന് തങ്ങള് നിര്ബന്ധിതരായിരിക്കുകയാണെന്നും ജനങ്ങള് പറയുന്നു. നിലവിലുള്ള ദുരിതാശ്വാസ കേന്ദ്രങ്ങളെല്ലാം നിറഞ്ഞിരിക്കുകയാണ്. മറ്റു വഴിയില്ലാത്തതിനാല് തെരുവില് കഴിയുകയാണെന്നും കുടുംബങ്ങള് പറയുന്നു.
അതേസമയം, പഴയ യമുനപാലത്തിലൂടെയുള്ള വാഹന ഗതാഗതം കിഴക്കല് ഡല്ഹി ജില്ലാ മജിസ്ട്രേറ്റ് നിരോധിച്ചിട്ടുണ്ട്. 204.83 മീറ്ററാണ് അപകടനില. നിലവില് 205.53 മീറ്റര് ഉയരത്തില് വെള്ളം കയറിയിട്ടുണ്ട്. പഴയ യമുന പാലം അടച്ചതോടു കൂടി 27 പാസഞ്ചര് ട്രെയിനുകള് റദ്ദാക്കി. ഏഴെണ്ണംവഴി തിരിച്ചു വിട്ടു.
https://www.facebook.com/Malayalivartha