കേന്ദ്ര സര്‍ക്കാരും കൊളീജിയവും തമ്മില്‍ നടന്ന ശീതയുദ്ധത്തിന് വിരാമമായി. പുതിയ സുപ്രീം കോടതി ജഡ്ജിമാര്‍ ചൊവ്വാഴ്ച്ച സത്യപ്രതിജ്ഞ ചെയ്ത് സ്ഥാനമേല്‍ക്കും.ഉത്തരാഖണ്ഡ് ഹൈക്കോടതി ചീഫ് ജസ്റ്റിസ് ജസ്റ്റിസ് കെ.എം ജോസഫിനെ സുപ്രിംകോടതി ജഡ്ജിയായി ഉയര്‍ത്താനുള്ള കൊളീജിയം ശുപാര്‍ശ കഴിഞ്ഞ ദിവസമാണ് കേന്ദ്ര സര്‍ക്കാര്‍ അംഗീകരിച്ചത്. അതനുസരിച്ച് മദ്രാസ്‌ ഹൈ​ക്കോ​ട​തി ചീ​ഫ് ജസ്റ്റി​സ് ഇ​ന്ദി​രാ ബാ​ന​ര്‍​ജി, ഒ​ഡീ​ഷ ഹൈ​ക്കോ​ട​തി ചീ​ഫ് ജസ്റ്റി​സ് വി​നീ​ത് ശ​ര​ണ്‍ എ​ന്നി​വ​ര്‍ക്ക് പിന്നാലെ മൂന്നാമനായി ജസ്റ്റി​സ് കെ.​എം. ജോ​സ​ഫ് സത്യപ്രതിജ്ഞ ചെയ്യും.

മെയ്‌ 11നാണ് അഞ്ചംഗ കൊളീജിയം ജസ്റ്റിസ് കെ.എം. ജോസഫിന്‍റെ പേര് നിര്‍ദ്ദേശിച്ചത്. മെയ്‌ 11ന് ധാരണയായ ആദ്യ കൊളീജിയം ജസ്റ്റി​സ് കെ.​എം. ജോ​സ​ഫി​നെയും മു​തി​ര്‍​ന്ന അ​ഭി​ഭാ​ഷ​ക ഇ​ന്ദു മ​ല്‍​ഹോ​ത്ര​യേയുമാണ് ശിപാര്‍ശ ചെയ്തിരുന്നത്. ഇവരില്‍ ഇ​ന്ദു മ​ല്‍​ഹോ​ത്രയുടെ ശിപാര്‍ശ അംഗീകരിച്ച കേന്ദ്ര സര്‍ക്കാര്‍ ജസ്റ്റി​സ് കെ.​എം. ജോ​സ​ഫി​ന്‍റെ ശിപാര്‍ശ മടക്കി അയച്ചു.

വീണ്ടും ജൂ​ലൈ 16ന് കൊ​ളീ​ജി​യം അ​ദ്ദേ​ഹ​ത്തി​ന്‍റെ പേ​ര് ശി​പാ​ര്‍​ശ ചെയ്തു. ഒപ്പം കൂടുതല്‍ പേരുകള്‍ പരിഗണിക്കണമെന്ന അഭിപ്രായമുയര്‍ന്നിരുന്നു. രു​ടെ പേരുകള്‍ കൊ​ളീ​ജി​യം ശി​പാ​ര്‍​ശ ചെയ്തത്. ഇരുവരുടെയും നിയമനം അംഗീകരിച്ച കേന്ദ്ര സര്‍ക്കാര്‍ ജസ്റ്റിസ് കെ.എം ജോസഫിന്‍റെ നിയമനം വൈകിക്കുകയായിരുന്നു. ഇക്കാര്യത്തില്‍ ജസ്റ്റിസ് കെ.എം ജോസഫിന് സീ​നി​യോ​റി​റ്റി​യി​ല്ലെ​ന്നാ​യി​രു​ന്നു കേ​ന്ദ്ര​ത്തി​ന്‍റെ വാ​ദം.

എന്നാല്‍, രണ്ടു വട്ടം കേന്ദ്ര സര്‍ക്കാര്‍ ശുപാര്‍ശ തിരിച്ചയച്ചുവെങ്കിലും കൊളീജിയം ശുപാര്‍ശയില്‍ ഉറച്ച് നില്‍ക്കുകയായിരുന്നു. കൂടാതെ, ഉന്നത ജുഡീഷ്യറിയിലും ജോസഫിന്‍റെ നിയമനം വൈകുന്നതില്‍ കടുത്തപ്രതിഷേധമുയര്‍ന്നിരുന്നു.