തന്റെ വാക്കുകള് പോലെ, അരനൂറ്റാണ്ടിലേറെക്കാലം വിശ്രമമില്ലാതെ ജീവിച്ച കലൈഞ്ജര് ഇനി മറീന ബീച്ചില് അന്ത്യവിശ്രമം കൊള്ളും ; കരുണാനിധിയുടെ മൃതദേഹവും വഹിച്ചുള്ള വിലാപയാത്ര ആരംഭിച്ചു
അന്തരിച്ച തമിഴ്നാട് മുന് മുഖ്യമന്ത്രി കരുണാനിധിയുടെ മൃതദേഹവും വഹിച്ചുള്ള വിലാപയാത്ര ആരംഭിച്ചു. വന്പിച്ച ജനാവലിയാണ് വിലാപയാത്രയില് പങ്കെടുക്കുന്നത്. ‘വിശ്രമമില്ലാതെ ജീവിച്ച മനുഷ്യന് അന്ത്യവിശ്രമത്തിന്' മുപ്പത്തി മൂന്ന് വര്ഷം മുമ്പ് തന്നെ തന്റെ കല്ലറയില് ഈ വാക്കുകള് എഴുതണമെന്ന് കരുണാനിധി ആവശ്യപ്പെട്ടിരുന്നു. തന്റെ വാക്കുകള് പോലെ, അരനൂറ്റാണ്ടിലേറെക്കാലം വിശ്രമമില്ലാതെ ജീവിച്ച കലൈഞ്ജര് ഇനി മറീന ബീച്ചില് അന്ത്യവിശ്രമം കൊള്ളും.
നാല് മണിക്കാണ് സംസ്കാര ചടങ്ങുകള് ആരംഭിക്കുകയെന്ന് അറിയിച്ചിരുന്നുവെങ്കിലും പ്രവര്ത്തകരുടെ തിരക്ക് മൂലം വൈകുകയായിരുന്നു. മറീന ബീച്ചില് അണ്ണാദുരൈ സ്മാരകത്തിനു സമീപത്തായിട്ടാണ് കരുണാനിധിക്ക് അന്ത്യവിശ്രമം അനുവദിക്കുക.
അതിശക്തമായ സുരക്ഷയാണ് പൊലീസ് ഒരുക്കിയിരിക്കുന്നതെങ്കിലും ജനങ്ങളുടെ വികാര പ്രകടനങ്ങളാണ് ഉദ്യോഗസ്ഥരെ ആശങ്കപ്പെടുത്തുന്നത്. വിലാപ യാത്ര കടന്നു പോകുന്ന റോഡുകളില് ഡി എം കെ പ്രവര്ത്തകര് തടിച്ചു കൂടിയിട്ടുണ്ട്. സംഘര്ഷ പശ്ചാത്തലത്തില് വന് സുരക്ഷാ ക്രമീകരണങ്ങളാണ് പൊലീസ് ഒരുക്കിയിട്ടുള്ളത്.
https://www.facebook.com/Malayalivartha