ആ പെണ്‍കുട്ടിയെ അയാള്‍ പലദിവസം നോട്ടമിട്ടിരുന്നു; എല്ലാ അവസരങ്ങളും തനിക്ക് അനുകൂലമായ ഒരു ദിവസം ക്ലാസ് കഴിഞ്ഞതിനെ തുടര്‍ന്ന് വീട്ടിലേക്ക് പോകാനിറങ്ങിയ കുട്ടിയെ വായ മൂടി സ്‌കൂള്‍ പരിസരത്തുള്ള കുടിവെള്ള പമ്പിനടുത്തേക്ക് കൊണ്ടു പോയ ശേഷമാണ് ലൈഗീക വൈകൃതം കാട്ടിയത്; അമിത രക്തസ്രാവം മൂലം പെണ്‍കുട്ടി ആശുപത്രിയില്‍
രണ്ടാം ക്ലാസ് വിദ്യാര്‍ത്ഥിനി പീഡനത്തിനിരയായത് സ്‌കൂളില്‍ വെച്ച്. സംഭവത്തില്‍ സ്‌കൂളിലെ ഇലക്ട്രീഷ്യന്‍ പോലീസ് പിടിയിലായി. ഡല്‍ഹിയിലെ സര്‍ക്കാര്‍ നിയന്ത്രണത്തിലുള്ള സ്‌കൂളിലെ രണ്ടാം ക്ലാസ് വിദ്യാര്‍ത്ഥിനിയെയാണ് ക്രൂര പീഡനത്തിനിരയാക്കിയത്. വ്യാഴാഴ്ച വൈകുന്നേരത്തോടെയാണ് മനസാക്ഷിയെ ഞെട്ടിക്കുന്ന സംഭവംനടന്നത്. ആ പെണ്‍കുട്ടിയെ അയാള്‍ പലദിവസം നോട്ടമിട്ടിരുന്നു. എല്ലാ അവസരങ്ങളും തനിക്ക് അനുകൂലമായ ഒരു ദിവസം ക്ലാസ് കഴിഞ്ഞതിനെ തുടര്‍ന്ന് വീട്ടിലേക്ക് പോകാനിറങ്ങിയ കുട്ടിയെ വായ മൂടി സ്‌കൂള്‍ പരിസരത്തുള്ള കുടിവെള്ള പമ്പിനടുത്തേക്ക് കൊണ്ടു പോവുകയായരുന്നു. എല്ലാവരും പോയെന്ന് ഉറപ്പു വരുത്തിയ ശേഷമായിരുന്നു പെണ്‍കുട്ടിയെ പീഡിപ്പിച്ചത്. കുട്ടിയുടെ മേല്‍ പ്രതി ലൈംഗീകവൈകൃതം കാട്ടിയതുമുലം അമിത രക്തസ്രാവമുണ്ടായി. പീഠന ശേഷം കുട്ടിയെ ഇയാള്‍ വീട്ടിലെത്തിച്ചു. എന്താണ് ചെയ്യുന്നത് എന്നറിയാതെ കുട്ടി നന്നായി പേടിച്ചിരുന്നു.
തിരികെ വീട്ടില്‍ എത്തിയ കുട്ടിയില്‍ രക്തസ്രാവം കണ്ടതിനെ തുടര്‍ന്ന് മാതാപിതാക്കള്‍ ആശുപത്രിയില്‍ എത്തിച്ചപ്പോഴാണ് പീഡനവിവരം മാതാപിതാക്കള്‍ അറിയുന്നത്. തുടന്ന് പൊലീസില്‍ പരാതിപ്പെടുകയായിരുന്നു. മാതാപിതാക്കള്‍ നല്‍കിയ പരാതിയുടെ അടിസ്ഥാനത്തില്‍ സ്‌കൂള്‍ ജീവനക്കാരെയെല്ലാം അണിനിരത്തി നടത്തിയ തിരിച്ചറിയല്‍ പരേഡില്‍ പ്രതിയെ കുട്ടി തിരിച്ചറിഞ്ഞതിനെ തുടര്‍ന്ന് ഇയാളെ പൊലീസ് അറസ്റ്റു ചെയ്തു. സ്‌കൂളിനു മുന്നില്‍ രക്ഷിതാക്കള്‍ പ്രതിഷേധം തുടരുകയാണ്‌
https://www.facebook.com/Malayalivartha
