കേരളത്തിൽ മഹാമാരി വിതച്ച നാശനഷ്ടങ്ങൾക്കു പിന്നാലെ രാജ്യത്തിൻറെ വിവിധയിടങ്ങളിൽ ഭൂചലനം അനുഭവപ്പെതായി റിപ്പോർട്ടുകൾ. റിക്ടര്‍ സ്‌കെയിലില്‍ 5.5 തീവ്രതയാണ് ഒട്ടുമിക്ക മേഖലകളിലും രേഖപ്പെടുത്തിയത്.

അസം, മേഘാലയ, ബിഹാര്‍, ബംഗാള്‍ എന്നീ സംസ്ഥാനങ്ങളിലെ ചില പ്രദേശങ്ങളിലാണ് ഭൂചലനമുണ്ടായതായി റിപ്പോർട്ടുകൾ പുറത്തു വരുന്നത്. അതേസമയം ഇതിന് പിന്നാലെ കശ്മീരിലും രാവിലെ ചെറിയ രീതിയിലുള്ള ഭൂചലനം നേരിട്ടു. കൊല്‍ക്കത്തയിലും ആറ് വടക്കന്‍ ജില്ലകളിലും പ്രകമ്പനം അനുഭവപ്പെട്ടതായി റിപ്പോര്‍ട്ടുണ്ട്. രാവിലെ 10.20 ഓടെ ഉണ്ടായ ഭൂചലനം 15 മുതല്‍ 20 സെക്കന്‍ഡ് വരെ നീണ്ടുനിന്നു. സംഭവത്തില്‍ ആര്‍ക്കും പരുക്കില്ലെന്നാണ് വിവരം.

അസമിലെ കൊക്രജാര്‍ നഗരത്തില്‍നിന്ന് രണ്ടു കി.മീ അകലെയാണ് ഭൂചലനത്തിന്റെ പ്രഭവകേന്ദ്രമെന്ന് ഷില്ലോങ്ങിലെ ഭൂചലന ശാസ്ത്രനിരീക്ഷണ കേന്ദ്രം അറിയിച്ചു.