ഇന്ധന വില വര്‍ദ്ധനവിനെതിരെ രാജ്യവ്യാപകമായി പ്രതിഷേധം ഉയരുന്ന സാഹചര്യത്തിലും ഇന്ധന വില കുതിച്ചുയരുകയാണ്. വിലവര്‍ദ്ധനവിനെ തുടര്‍ന്ന് കോണ്‍ഗ്രസ് സംഘടിപ്പിച്ച രാജ്യ വ്യാപകമായ ഹര്‍ത്താല്‍ ദിവസവും വില വര്‍ദ്ധിച്ചിരുന്നു. അതുകൊണ്ടുതന്നെ പ്രതിഷേധിച്ചിട്ടും ഒരുകാര്യവുമില്ലാത്ത അവസ്ഥയിലാണ് ജനങ്ങള്‍; ഇന്നും ഇന്ധന വിലയില്‍ വര്‍ധനവുണ്ടായി. പെട്രോളിന് ഇന്ന് 13 പൈസയും ഡീസലിന് 11 പൈസയുമാണ് ഇന്ന് കൂടിയത്.

തിരുവനന്തപുരത്ത് പെട്രോള്‍ ലിറ്ററിന് 84.32 രൂപയും ഡീസലിന് 78 .25 രൂപയുമാണ് ഇന്നത്തെവില. കൊച്ചിയില്‍ പെട്രോളിന് ലിറ്ററിന് 82.99 രൂപയും ഡീസലിന് 76.99 രൂപയും കോഴിക്കോട് പെട്രോളിന് 83.24 രൂപയും ഡീസലിന് 77 .26 രൂപയുമാണ് ഇന്നത്തെ നിരക്ക്.