സി.ബി.​ഐ മുൻ ഡയറക്​ടർ അലോക്​ വർമയുടെ വീടിനു സമീപത്ത്​ നിന്ന് നാലു ഐ ബി ഉദ്യോഗസ്ഥരെ പിടികൂടി. സംശയാസ്​പദമായ നിലയിൽ കണ്ടെത്തിയ ഇവരെ അലോക് വര്‍മയുടെ സുരക്ഷാ ഉദ്യോഗസ്ഥരാണ് പിടികൂടിയത്.ഇന്ന് രാവിലെ മുതലാണ് അലോക് വര്‍മയുടെ വീടിന് സമീപം സംശയാസ്പദമായ സാഹചര്യത്തില്‍ നാലുപേരെ ഉദ്യോഗസ്ഥര്‍ കണ്ടത്.

തുടർന്ന്​ പൊലീസിനെ വിവരമറിയിക്കുകയായിരുന്നു. നാലുപേരെയും പൊലീസെത്തി ചോദ്യം ചെയ്​തശേഷം അറസ്​റ്റ്​ ചെയ്​ത്​ നീക്കി.

കേന്ദ്രസര്‍ക്കാര്‍ ഗുജറാത്ത് മോഡല്‍ പരീക്ഷിക്കുകയാണെന്നാണ് സംഭവത്തെ കുറിച്ച് അലോക് വര്‍മ്മയോട് അടുത്ത വൃത്തങ്ങള്‍ സൂചിപ്പിച്ചത്. ഗുജറാത്ത് സര്‍ക്കാരില്‍ മോദിയും അമിത് ഷായും ഐ.ബി ഉദ്യോഗസ്ഥരെ ഉപയോഗിച്ച് നടത്തിയ നീക്കങ്ങളെ പരാമര്‍ശിച്ചാണ് വിമര്‍ശനം.

സി.ബി.​െഎ സ്​പെഷ്യൽ ഡയറക്​ടർ രാകേഷ്​ അസ്​താനക്കെതിരെ കൈക്കൂലിക്കുറ്റം ആരോപിച്ചു കേസ്​ എടുത്തതിനെ തുടർന്ന്​ ചൊവ്വാഴ്​ച അർദ്ധ രാത്രിയോടെയാണ്​ സി.ബി.​െഎ ഡയറക്​ടർ സ്​ഥാനത്തു നിന്ന്​ അലോക്​ വർമയെ നീക്കി പുതിയ ഡയറക്​ടറെ നിയമിച്ചത്​.

തന്നെ നീക്കിയതിനെതിരെ അലോക് വര്‍മ സുപ്രീംകോടതിയെ സമീപിച്ചിരുന്നു. റാഫേല്‍ ഇടപാടിലടക്കം സുപ്രധാനമായ ഏഴ് അന്വേഷണ ഫയലുകള്‍ അലോക് വര്‍മ പരിഗണിക്കാനിരിക്കെയായിരുന്നു അദ്ദേഹത്തെ കേന്ദ്ര സര്‍ക്കാര്‍ അവധിയില്‍ പറഞ്ഞയച്ചത്.