ആ പിശാച് ഇവിടെ തന്നെ ഉണ്ട്; ജെയ്ഷെ മുഹമ്മദ് തലവന് മസൂദ് അസര് പാകിസ്ഥാനിലുണ്ടെന്ന് സ്ഥിരീകരിച്ച് പാകിസ്ഥാന് വിദേശകാര്യമന്ത്രി ഷാ മെഹ്മൂദ് ഖുറേഷി
ജെയ്ഷെ മുഹമ്മദ് തലവന് മസൂദ് അസര് പാകിസ്ഥാനിലുണ്ടെന്ന് സ്ഥിരീകരിച്ച് പാകിസ്ഥാന് വിദേശകാര്യമന്ത്രി ഷാ മെഹ്മൂദ് ഖുറേഷി. തനിയെ എഴുന്നേറ്റ് നടക്കാന് പോലും കഴിയാത്ത തരത്തില് അസുഖബാധിതനാണ് മസൂദെന്നും അദ്ദേഹം അറിയിച്ചു. പാകിസ്ഥാനിലെ ജനങ്ങളെയും നീതിപീഠത്തെയും വിശ്വസിപ്പിക്കാന് പറ്റിയ തെളിവുകള് ഇന്ത്യ നല്കിയാല് ശക്തമായ നടപടി സ്വീകരിക്കാമെന്നും ഷാ മെഹ്മൂദ് പറഞ്ഞു. പാകിസ്ഥാന് നേരത്തെ തന്നെ വ്യക്തമാക്കിയതാണ് മസൂദ് പാകിസ്ഥാനില് ഉണ്ട് എന്നതിന് വ്യക്തമായ തെളിവുകള് ലഭിച്ചാല് ശക്തമായ നടപടിസ്വീകരിക്കുമെന്ന് 15 വര്ഷമായി പ്രവര്ത്തിക്കുന്ന സംഘടനയാണ് ജെയ്ഷെ മുഹമ്മദ് എന്നും യു എസ് കഴിഞ്ഞ ദിവസം വെളിപ്പെടുത്തിരുന്നു.
ജമ്മു കശ്മീരിലെ കുപ്വാര ജില്ലയിലുള്ള ഹന്ദ്വാര മേഖലയില് ഭീകരരും സൈനികരും തമ്മില് ഏറ്റുമുട്ടല്. മൂന്നു ഭീകരരെ സൈന്യം വളഞ്ഞു. വെടിവയ്പ്പ് അവസാനിച്ചെന്ന് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്തു. ഭീകരര്ക്കായി തിരച്ചില് തുടരുകയാണ്. രാത്രി വൈകി നടത്തിയ തിരച്ചിലിലാണ് ഭീകരര് ഒളിച്ചിരിക്കുന്ന വിവരം ലഭിച്ചത്. ഇന്ത്യന് സൈന്യവും ജമ്മു കശ്മീര് പൊലീസും സിആര്പിഎഫുമാണ് രംഗത്തുള്ളത്.നിയന്ത്രണരേഖയ്ക്കു സമീപം ഉറി സെക്ടറിലും പാക്കിസ്ഥാന് സൈന്യം വെടിനിര്ത്തല് കരാര് ലംഘിച്ചു. ഇതില് ഒരു പ്രദേശവാസിക്കു പരുക്കേറ്റു. സൈന്യം തിരിച്ചടിച്ചു. വ്യാഴാഴ്ച വൈകുന്നേരത്തോടെയാണ് ഉറി മേഖലയിലെ ഗവാഹലന്, ചോക്കാസ്, കിക്കെര്, കത്തി പോസ്റ്റുകള്ക്കുനേരെ പാക്കിസ്ഥാന്റെ വെടിവയ്പ്പുണ്ടായത്. പരുക്കേറ്റ പ്രദേശവാസിയെ ആശുപത്രിയില് പ്രവേശിപ്പിച്ചു.
അതിനിടെ, വ്യോമസേന വിങ് കമാന്ഡര് അഭിനന്ദന് വര്ധമാനെ സ്വീകരിക്കാന് മാതാപിതാക്കള് ഡല്ഹി വിമാനത്താവളത്തില്നിന്ന് അമൃത്സറിലേക്കു തിരിച്ചു. ഇന്നലെ രാത്രി ഇവര് ഡല്ഹി വിമാനത്താവളത്തിലെത്തിയിരുന്നു. അതിര്ത്തി പ്രശ്നങ്ങളെയും സൈനിക നീക്കങ്ങളെയും കുറിച്ചുള്ള വിശദവിവരങ്ങള് ലൈവ് അപ്ഡേറ്റ്സില് അറിയാം.പുല്വാമ ഭീകരാക്രമണത്തിന് തിരിച്ചടിയായി നിയന്ത്രണരേഖ കടന്ന് ഇന്ത്യ ജയ്ഷെ ക്യാമ്പുകള് ആക്രമിച്ചതിന് തെളിവുണ്ടെന്ന് വ്യോമസേന വക്താവ് ആര്ജികെ കപൂര്. ജയ്ഷെ ക്യാമ്പുകള് ആക്രമിച്ചതിനും ലക്ഷ്യം കൈവരിച്ചതിനുമുള്ള വ്യക്തമായ തെളിവുകള് കൈവശമുണ്ട്.അതെപ്പോള് പുറത്തുവിടണം എന്ന് തീരുമാനിക്കേണ്ടത് രാഷ്ട്രീയ നേതൃത്വമാണെന്നും അദ്ദേഹം വ്യക്തമാക്കി. പ്രതിരോധ സേനാ വക്താകള് നടത്തിയ സംയുക്ത വാര്ത്തസമ്മേളനത്തിലാണ് അദ്ദേഹം ഇക്കാര്യം സ്ഥിരീകരിച്ചത്. എന്ത് ലക്ഷ്യമിട്ടാണോ വ്യോമസേന തീവ്രവാദി ക്യാംപുകളില് ആക്രമണം നടത്തിയത് ആ ലക്ഷ്യം സാധിച്ചിട്ടുണ്ടെന്ന് അദ്ദേഹം പറഞ്ഞു.
പാകിസ്ഥാന് തീവ്രവാദികള്ക്ക് താവളമൊരുക്കുന്ന കാലത്തോളം അത്തരം ക്യാമ്പുകള് ലക്ഷ്യം വച്ചുള്ള ആക്രമണങ്ങള് തുടരുമെന്നും അദ്ദേഹം വ്യക്തമാക്കി. ഇന്ത്യന് സൈനിക കേന്ദ്രങ്ങള്ക്ക് നേരെയുള്ള ആക്രമണത്തില് എഫ് 16 പോര്വിമാനങ്ങളും അമോറാം മിസൈലുകളും പാകിസ്ഥാന് ഉപയോഗിച്ചതായും പ്രതിരോധ സേനയുടെ വക്താകള് പ്രത്യേക വാര്ത്തസമ്മേളനത്തില് വെളിപ്പെടുത്തി.അമോറാം മിസൈലിന്റേയും ഇന്ത്യന് ആക്രമണത്തില് തകര്ന്ന എഫ് 16 വിമാനത്തിന്റെ അവശിഷ്ടങ്ങളും വാര്ത്താസമ്മേളനത്തില് പ്രദര്ശിപ്പിച്ചു. വ്യോമസേനയെ പ്രതിനിധീകരിച്ച് എയര്വൈസ് മാര്ഷല് ആര്ജികെ കപൂര്, കരസേനയെ പ്രതിനിധീകരിച്ച് മേജര് ജനറല് സുരേന്ദ്രസിംഗ് മഹാല്, നാവികസേനയെ പ്രതിനിധീകരിച്ച് നാവികസേന റിയര് അഡ്മിറല് ഡി.എസ്.ഗുജറാള് എന്നിവരാണ് വാര്ത്തസമ്മേളനത്തില് പങ്കെടുത്തത്. ഇന്ത്യന് പൈലറ്റുമാര് പാകിസ്ഥാന് കസ്റ്റഡിയിലുണ്ടെന്ന് പറഞ്ഞ് എല്ലാവരേയും കബളിപ്പിക്കാനും പാകിസ്ഥാന് ശ്രമിച്ചു.
https://www.facebook.com/Malayalivartha
