ഛത്തീസ്ഗഡിലെ ദന്തേവാഡയില് കമ്മ്യൂണിസ്റ്റ് ഭീകരര് നടത്തിയ ആക്രമണത്തില് ഒരു സിആര്പിഎഫ് ജവാന് വീരമൃത്യു... അഞ്ച് ജവാന്മാര്ക്ക് പരിക്ക്
ഛത്തീസ്ഗഡിലെ ദന്തേവാഡയില് കമ്മ്യൂണിസ്റ്റ് ഭീകരര് നടത്തിയ ആക്രമണത്തില് ഒരു സിആര്പിഎഫ് ജവാന് വീരമൃത്യു. അഞ്ച് ജവാന്മാര്ക്ക് പരിക്കേറ്റിട്ടുണ്ട്. കനത്ത പ്രഹര ശേഷിയുള്ള ഐഇഡി ഉപയോഗിച്ച് ഭീകരര് സ്ഫോടനം നടത്തുകയായിരുന്നു. പൊലീസിനൊപ്പം റോഡ് സുരക്ഷയ്ക്കായി നിയോഗിച്ചിരുന്ന ജവാന്മാര്ക്ക് നേരെയായിരുന്നു ആക്രമണം.
ഭീകരര് ആദ്യം സ്ഫോടനം നടത്തുകയും പിന്നീട് ജവാന്മാര്ക്ക് നേരെ വെടിയുതിര്ക്കുകയുമായിരുന്നെന്നാണ് വാര്ത്ത ഏജന്സികള് റിപ്പോര്ട്ട് ചെയ്തത്. വെടിവയ്പ്പ് ഉണ്ടായതോടെ ജവാന്മാര് ശക്തിയായി തിരിച്ചടിച്ചു. പരിക്കേറ്റവരെ ഹെലികോപ്റ്ററിന്റെ സഹായത്തോടെയാണ് ആശുപത്രിയിലേക്ക് മാറ്റിയത്. പ്രദേശത്ത് സുരക്ഷ ശക്തമാക്കിയിട്ടുണ്ട്.ജമ്മുകശ്മീരിലെ നിയന്ത്രണരേഖയില് വീണ്ടും പാക് വെടിവെയ്പ്പ്. ഒരു സൈനികന് വീരമൃത്യു. വെടിവെയ്പ്പില് മൂന്ന് സൈനികര്ക്ക് പരിക്കേറ്റു.
അതേസമയം, പാകിസ്ഥാന് വീണ്ടും വെടിനിര്ത്തല് കരാര് ലംഘിച്ചു. രജൗരി ജില്ലയിലെ സുന്ദര്ബനി മേഖലയില് ഇന്ന് പുലര്ച്ചെയാണ് പാകിസ്ഥാന് ഷെല്ലാക്രമണം നടത്തിയത്. തുടര്ന്ന് ഇന്ത്യ ശക്തമായി തിരിച്ചടിച്ചു. പുലര്ച്ചെ 5.30യോടെ ആരംഭിച്ച ആക്രമണം 7.30 യോടെയാണ് അവസാനിച്ചത്.പുല്വാമ ആക്രമണത്തിന് പിന്നാലെ അറബിക്കടലില് സൈനികസന്നാഹം ശക്തമാക്കിയിരുന്നതായി നാവികസേന വൃത്തങ്ങള്. ഇന്ത്യപാക് സംഘര്ഷം മൂര്ച്ഛിച്ചിരുന്ന സമയത്താണ് ആണവ അന്തര്വാഹിനികളും യുദ്ധക്കപ്പലുകളും വിമാനങ്ങളും അടക്കമുള്ള സന്നാഹങ്ങള് ഉത്തര അറബിക്കടലില് വിന്യസിച്ചത്. വിമാനവാഹിനി കപ്പലായ ഐഎന്എസ് വിക്രമാദിത്യ, ആണവ പോര്മുന വഹിക്കുന്ന അന്തര്വാഹിനി ചക്ര എന്നിവ അറബിക്കടലിന്റെ തന്ത്രപ്രധാന മേഖലകളില് വിന്യസിച്ചിരുന്നുവെന്ന് നാവികസേന വക്താവ് ഡി.കെ.ശര്മ്മ വ്യക്തമാക്കി.
നാവികാഭ്യാസത്തില് പങ്കെടുത്തിരുന്ന കപ്പലുകളും വിമാനങ്ങളും ഉള്പ്പെടെ അടിയന്തരമായി ഇവിടേക്ക് എത്തിക്കുകയായിരുന്നു. ജനുവരിയില് ആരംഭിച്ച് മാര്ച്ചില് അവസാനിക്കേണ്ടിയിരുന്ന സൈനികാഭ്യാസം, പുല്വാമ ആക്രമണത്തെ തുടര്ന്ന് അവസാനിപ്പിക്കുകയായിരുന്നു. നാവികസേനയുടെ 60ഓളം യുദ്ധക്കപ്പലുകള്, തീരരക്ഷാസേനയുടെ 12 യുദ്ധക്കപ്പലുകള്, 60 യുദ്ധവിമാനങ്ങള് എന്നിവ സൈനികവ്യൂഹത്തിലേക്ക് മാറ്റിയിരുന്നു.
https://www.facebook.com/Malayalivartha