പ്രധാനമന്ത്രി നരേന്ദ്ര മോദിയുടെ നിത്യവിമര്‍ശകനായ ധ്രുവ് രാതിയുടെ ബ്ലോക്ക് ചെയ്ത ഔദ്യോഗിക ഫെയ്‌സ്ബുക് പേജ് കമ്പനി തിരിച്ചുനല്‍കി. ഇന്ന് രാവിലെയാണ് ധ്രുവിന്റെ പേജ് ഫെയ്!സ്ബുക്ക് ബ്ലോക്ക് ചെയ്തത്. ഇതിനു പിന്നിലുള്ള രാഷ്ട്രീയം ചൂണ്ടിക്കാട്ടി ധ്രുവ് രാതി നേരിട്ടു രംഗത്തു വന്നിരുന്നു. ഈ ഉപകാരത്തിന് എന്തു പ്രത്യുപകാരമായിരിക്കും പ്രധാനമന്ത്രി നരേന്ദ്ര മോദിയില്‍ നിന്നും ഫെയ്‌സ്ബുക്കിനു കിട്ടുന്നുണ്ടാവുക എന്ന തരത്തില്‍ വിമര്‍ശനങ്ങള്‍ ഉയര്‍ന്നുവന്നു. ഇതോടെയാണ് പേജ് തിരികെ നല്‍കാന്‍ ഫെയ്‌സ്ബുക് തീരുമാനിച്ചത്.ധ്രുവിന്റെ പോസ്റ്റില്‍ ഫെയ്‌സ്ബുക് കമ്മ്യൂണിറ്റി സാറ്റാന്‍ഡേര്‍ഡ്‌സിനു വിരുദ്ധമായി ഒന്നുമില്ലെന്നും അബദ്ധം സംഭവിച്ചതില്‍ മാപ്പു ചോദിക്കുന്നുവെന്നും ഫെയ്‌സ്!ബുക് അറിയിച്ചു. സംഭവം റിപ്പോര്‍ട്ട് ചെയ്യപ്പെട്ട് ആറു മണിക്കൂറിനുള്ളില്‍ നിരോധനം നീക്കിയതായും ഫെയ്!സ്ബുക് പറഞ്ഞു. 'ബിജെപി എക്‌സ്‌പോസ്ഡ്: ലൈസ് ബിഹൈന്റ് ദ ബുള്‍ഷിറ്റ്' എന്ന തലക്കെട്ടിലുളള മ്യൂസിക് വിഡിയോയിലൂടെയാണ് ധ്രുവിന്റെ പോസ്റ്റുകള്‍ ശ്രദ്ധയിലേക്കെത്തിയത്.

ധ്രുവിന്റെ പേജിന്റെ എന്‍ഗേജ്‌മെന്റ് റേറ്റ് മോദിയുടെ പേജിന്റെയും ബിജെപി പ്രചാരണ പേജുകളുടെയും ഒപ്പം നില്‍ക്കുന്നതാണെന്ന് ഫെയ്‌സ്ബുക് തന്നെ നല്‍കിയ വിവരത്തിന്റെ സ്‌ക്രീന്‍ ഷോട്ട് സഹിതം അക്കൗണ്ട് ബ്ലോക്ക് ചെയ്തതിനുപിന്നാലെ ധ്രുവ് ട്വീറ്റ് ചെയ്തിരുന്നു. ധ്രുവിന്റെ ഒരാഴ്ചത്തെ എന്‍ഗേജ്‌മെന്റ് റേറ്റ് 2.8 മില്യണ്‍ ആണ്. നരേന്ദ്ര മോദിയുടെ ഔദ്യോഗിക പേജിന്റെ എന്‍ഗേജ്‌മെന്റ് റേറ്റ് 3.2 മില്യനും. തിരഞ്ഞെടുപ്പ് അടുത്തിരിക്കുന്ന ഈ സമയത്തു തന്നെ തന്റെ പേജ് ബ്ലോക്ക് !ചെയ്തതിനു പിന്നിലുള്ള അസ്വാഭാവിതകതയും അദ്ദേഹം പങ്കുവെച്ചിരുന്നു.

അഡോള്‍ഫ് ഹിറ്റ്‌ലറുടെ ജീവചരിത്രം ബ്രിട്ടാനിക്ക എന്‍സൈക്ലോപീഡിയയില്‍ നിന്നെടുത്ത് ഉദ്ധരിച്ചതാണു തന്നെ ബാന്‍ ചെയ്യാന്‍ കാരണമായി ഫെയ്‌സ്ബുക്ക് ചൂണ്ടിക്കാണിച്ചതെന്ന് ധ്രുവ് പറയുന്നു. അധിക്ഷേപകരമായ ഒരു പരാമര്‍ശവും താന്‍ പറഞ്ഞതില്‍ ഉള്‍പ്പെടുന്നില്ല. എന്നിട്ടും എന്തുകൊണ്ടാണ് ഫെയ്!സ്ബുക്ക് ഇത്തരമൊരു നടപടിക്ക് മുതിര്‍ന്നതെന്നും ധ്രുവ് ചോദിച്ചിരുന്നു.

ധ്രുവ് രാതിക്ക് യുട്യൂബില്‍ അഞ്ചു ലക്ഷത്തിലേറെ സബ്‌സ്‌െ്രെകബേഴ്‌സും ഫെയ്‌സ്ബുക്ക് പേജിന് മൂന്നുലക്ഷത്തിലേറെ ലൈക്കുകളുമുണ്ട്. യുട്യൂബ് ചാനലിന്റെ 'എബൗട്ട് മി സെക്ഷനില്‍' പറയുന്നതിങ്ങനെ: 'ജനങ്ങള്‍ക്കിടയില്‍ വിമര്‍ശനാത്മക ചിന്തയും ബോധവത്കരണ!വും സൃഷ്ടിക്കുക എന്നതാണു ലക്ഷ്യം'.

സംഘപരിവാര്‍, ബിജെപി ഭാഗത്തുനിന്നും വരുന്ന വ്യാജവാര്‍ത്തകളെ വിമര്‍ശിച്ചു കൊണ്ടുള്ള വിഡിയോകളാണ് ധ്രുവ് പോസ്റ്റ് ചെയ്യുന്നതിലധികവും. രാജ്യം ചര്‍ച്ച ചെയ്ത സുപ്രധാന വാര്‍ത്തകള്‍ പലതും വിഡിയോയില്‍ വിഷയങ്ങളായി. ഉറി ആക്രമണം, സര്‍ജിക്കല്‍ സ്‌െ്രെടക്ക്, നോട്ടുനിരോധനം, യോഗി ആദിത്യനാഥ് ഉത്തര്‍പ്രദേശ് മുഖ്യമന്ത്രിയായത്, ധനകാര്യബില്‍, ഇലക്ട്രോണിക് വോട്ടിങ്ങ് മെഷീന്‍ ഹാക്കിങ്ങ് അങ്ങനെ പല വിഷയങ്ങളിലും ധ്രുവ് ബിജെപിയെ നിശിതമായി വിമര്‍ശിച്ചു. മോദിയുടെയും രാഹുലിന്റെയും പ്രസംഗങ്ങളില്‍ ആരായിരുന്നു മികച്ചത്? കറന്‍സി നിരോധനം കൊണ്ട് ആര്‍ക്കാണ് ലാഭമുണ്ടായത്? അങ്ങനെ പല കാര്യങ്ങളിലും ധ്രുവ് അഭിപ്രായപ്രകടനം നടത്തിയിട്ടുണ്ട്‌.