കെട്ടിപ്പിടിച്ച് കോടീശ്വരന്മാര്... കോടീശ്വരനായ ധീരുഭായി അംബാനി മരിച്ചെങ്കിലും കുടുംബം അടിച്ച് പിരിഞ്ഞില്ല; ഒരാപത്ത് ഘട്ടത്തില് റിലയന്സ് കോടീശ്വരന് അനുജനെ ചേര്ത്ത് പിടിച്ച് ജേഷ്ഠന് മുകേഷ് അംബാനി
പാവപ്പെട്ട നമുക്ക് ആയിരങ്ങളുടെ ദു:ഖം. കോടീശ്വരന്മാര്ക്ക് കോടികളുടെ ദു:ഖം. നമ്മുടെ ആയിരങ്ങളുടെ കടത്തില് പോലും നൂറിന്റെ നോട്ടെങ്കിലും തന്ന് സഹായിക്കാന് നമ്മുടെ സഹോദരങ്ങള് തയ്യാറാകുമോ. എല്ലാവരും പ്രാരാബ്ദര്. ആര്ക്കും ആരേയും സഹായിക്കാന് കഴിയില്ല. നമ്മുടെ ഈ ദരിദ്ര ദു:ഖത്തിനിടയ്ക്കാണ് കോടീശ്വര സഹോദരന്മാരുടെ ആത്മാര്ത്ഥ സ്നേഹം. വെറും കോടീശ്വരരല്ല, ലോകത്തിലെ തന്നെ അതി സമ്പന്നര്.
ലോകത്തെ അതി സമ്പന്നരില് ഒരാളെന്ന ബഹുമതിയ്ക്ക് പുറമേ സഹോദര സ്നേഹത്തിന്റെ മാതൃക കൂടിയാണ് മുകേഷ് അംബാനി ഇപ്പോള് ലോകത്തിന് കാണിച്ച് കൊടുത്തിരിക്കുന്നത്. അനുജന് അനില് അംബാനിയെ ജയില് ശിക്ഷയില് നിന്ന് രക്ഷിച്ചാണ് മുകേഷ് അംബാനി വീണ്ടും വാര്ത്തകളില് ഇടംപിടിച്ചത്. ടെലികോം കമ്പനി എറിക്സണ് ഇന്ത്യയ്ക്ക് മുകേഷിന്റെ ഇളയ സഹോദരന് അനില് അംബാനി നല്കാനുളള 550 കോടി രൂപ സുപ്രീം കോടതിയില് കെട്ടിവയ്ക്കാനായി നല്കിയാണ് മുകേഷ് അംബാനി അനുജനെ രക്ഷിച്ചത്.
പണം കെട്ടിവയ്ക്കാന് സുപ്രീം കോടതി അനുവദിച്ച സമയം തീരാന് ഒരുദിവസം ബാക്കി നില്ക്കെയാണ് അനില് അംബാനിയുടെ റിലയന്സ് കമ്യുണിക്കേഷന് പണം അടച്ചത്. പണം നല്കിയില്ലെങ്കില് അനില് അംബാനിയും കൂട്ടുപ്രതികളും മൂന്നുമാസം തടവ് അനുഭവിക്കണമായിരുന്നു. ഏട്ടന്റെ സമയോചിതമായ ഇടപെടല് ഹൃദയത്തില് തൊട്ടു, ഒരുപാട് നന്ദിയെന്ന് സഹോദരന് മുകേഷ് അംബാനിയ്ക്കുവേണ്ടി പ്രസ്താവനയും ഇറക്കി.
മുകേഷ് അംബാനിയുടെയും ഭാര്യ നിത അംബാനിയുടേയും സഹായം ലഭിച്ചതുകൊണ്ടാണ് അനില് അംബാനിയുടെ ജയില്ശിക്ഷ ഒഴിവായത്. റിലയന്സ് കമ്മ്യൂണിക്കേഷന് ഇറക്കിയ പ്രസ്താവനയില് അനില് അംബാനി തന്നെയാണ് ഇത് വ്യക്തമാക്കിയത്. സാമ്ബത്തിക തര്ക്കങ്ങളെത്തുടര്ന്ന് അനില് അംബാനിയും മുകേഷ് അംബാനിയും തമ്മില് അസ്വാരസ്യങ്ങളുണ്ടായിരുന്നു. ഇത് മറന്നാണ് സമയോചിതമായി അനിയന്റെ രക്ഷയ്ക്ക് മുകേഷ് അംബാനി എത്തിയത്.
ലോകത്തിലെ തന്നെ പ്രധാന വ്യവസായിയാണ് മുകേഷ് അംബാനി. റിലയന്സ് ഇന്ഡസ്ട്രീസിന്റെ ചെയര്മാനും , മാനേജിംഗ് ഡയറക്ടറുമായ ഇദ്ദേഹത്തിനാണ് കമ്പനിയുടെ പ്രധാന ഓഹരിപങ്കാളിത്തവും ഉള്ളത്. കമ്പനിയില് തന്റെ വ്യക്തിഗതമായ ഓഹരിവിഹിതം 48 ശതമാനത്തോളമുണ്ട്. തന്റെ മൊത്തം വരുമാനം അമേരിക്കന് ഡോളാര് 19.5 ബില്ല്യണ് ആണ്. ഇത് അംബാനിയെ ഇന്ത്യയിലെ ഏറ്റവും ധനികനായ വ്യക്തിയാക്കുന്നു. കൂടാതെ അദ്ദേഹം ഏഷ്യയിലേക്കും വച്ച് ഏറ്റവും ധനികനും ലോകത്തിലെ ധനികരില് ഏഴാമതും ആണ്.
ലോകത്തെ ഏറ്റവും വലിയ 20 കമ്പനികളിലൊന്നായി റിലയന്സ് ഇന്ഡസ്ട്രീസ് മാറ്റുകയാണ് മുകേഷ് അംബാനിയുടെ ലക്ഷ്യം. റിലയന്സ് ഇന്ഡസ്ട്രീസിന്റെ നാല്പതാം വാര്ഷികാഘോഷവേളയിലാണ് മുകേഷ് ഇക്കാര്യം പ്രഖ്യാപിച്ചത്.
നവിമുംബൈയിലെ റിലയന്സ് ക്യാംപസില് വച്ചു നടന്ന ചടങ്ങിലായിരുന്നു കമ്പനിയുടെ ഭാവിലക്ഷ്യങ്ങളെക്കുറിച്ച് മുകേഷ് വാചാലനായത്. ഏതാണ്ട് അന്പതിനായിരത്തോളം പേര് ആഘോഷചടങ്ങുകളില് പങ്കെടുക്കാനെത്തിയിരുന്നു. ലോകത്തെ ഏറ്റവും വലിയ 20 കമ്പനികളിലൊന്നായി മാറാന് നമ്മുക്കാവില്ലേ ജീവനക്കാരോടായി മുകേഷ് ചോദിച്ചു.... അതെ എന്നായിരുന്നു ഇതിന് ഒറ്റശബ്ദത്തിലുള്ള ജീവനക്കാരുടെ മറുപടി.
അതെ ഈ ജീവനക്കാരാണ് ഈ കോടീശ്വരന്മാരുടെ വളര്ച്ച. ഒപ്പം കുടംബത്തിന്റെ ഐക്യവും
https://www.facebook.com/Malayalivartha