പാകിസ്ഥാന്റെ ഭൂപടം മോദി മാറ്റിവരയ്ക്കും ; പ്രധാനമന്ത്രി നരേന്ദ്ര മോദിക്ക് ഒരവസരം കൂടി അലഭിച്ചാല് പാക്കിസ്ഥാന്റെ ഭൂപടം അദ്ദേഹം മാറ്റി വരയ്ക്കുമെന്ന് കേന്ദ്രമന്ത്രി മഹേഷ് ശര്മ്മ
പ്രധാനമന്ത്രി നരേന്ദ്ര മോദിക്ക് ഒരവസരം കൂടി അലഭിച്ചാല് പാക്കിസ്ഥാന്റെ ഭൂപടം അദ്ദേഹം മാറ്റി വരയ്ക്കുമെന്ന് കേന്ദ്രമന്ത്രി മഹേഷ് ശര്മ്മ. 'അടുത്ത അഞ്ച് വര്ഷം കൊണ്ട് അദ്ദേഹം നമ്മുടെ രാജ്യത്തിന്റെ വിധി തന്നെ മാറ്റി എഴുതും. ഇന്ത്യയുടെ ഭൂപടം മാത്രമല്ല, പാകിസ്ഥാന്റെ ഭൂപടവും അദ്ദേഹം മാറ്റിയെഴുതും, സിംഹത്തിന് തുല്യനായ നമ്മുടെ പ്രധാനമന്ത്രി കരുത്തനായി തന്നെ നിലനില്ക്കുകയാണ്. ' ശര്മ്മ പറഞ്ഞു. അതെ സമയം കോണ്ഗ്രസിനെയും നെഹ്റു കുടുംബത്തെയും അദ്ദേഹം വിമര്ശിച്ചു.
' നെഹ്റു കുടുംബം ഈ രാജ്യത്തിന് വേണ്ടി ഒന്നുംതന്നെ ചെയ്തിട്ടില്ല. തനിക്ക് പ്രധാനമന്ത്രിയാകണമെന്നാണ് 'പപ്പു' പറയുന്നത്. അഖിലേഷ് യാദവിനും, മായാവതിക്കും ശേഷം 'പപ്പു' വന്നിരിക്കുകയാണ്, കൂടെ പപ്പുവിന്റെ പപ്പി'യും രംഗപ്രവേശം ചെയ്തിട്ടുണ്ട്. ഇതിന് മുന്പ് അവര് ഇന്ത്യയുടെ പുത്രിയല്ലായിരുന്നോ? അവര് കോണ്ഗ്രസിന്റെ പുത്രി അല്ലായിരുന്നോ? അവര് സോണിയാ ഗാന്ധിയുടെ പുത്രി അല്ലായിരുന്നോ? പുതിയതായി എന്താണ് അവര് ജനങ്ങള്ക്ക് നല്കാന് പോകുന്നത്?' മഹേഷ് ശര്മ്മ ചോദിച്ചു.
ഓരോ ഇലക്ഷനും പ്രിയങ്കയെ ഇറക്കുന്നതിനെയും മഹേഷ് ശര്മ്മ പരിഹസിച്ചു. ഇലക്ഷന് വരുമ്ബോള് പല നേതാക്കളെയും കാണും, ഇലക്ഷന് കഴിയുമ്ബോള് ഇവരെ കാണാനും സാധിക്കില്ലെന്നും ശര്മ്മ പറഞ്ഞു.
പാകിസ്ഥാന് തുടങ്ങിവെച്ച ആക്രമണത്തിന് മറുപടി നല്കിയിരിക്കുകയാണ് ധനമന്ത്രി അരുണ് ജെയ്റ്റ്ലി. തിരിച്ചടിക്കാന് ഒരാഴ്ച എടുത്തത് പോലും നീണ്ട കാലവധിയാണെന്ന് അരുണ് ജെയ്റ്റ്ലി പറഞ്ഞു.
പാകിസ്ഥാനിലെ അബോട്ടാബാദില് കടന്നുകയറിയാണ് യുഎസ് ഒസാമ ബിന്ലാദനെ പിടികൂടി കൊല്ലുന്നത്. യുഎസിന് അങ്ങനെ ചെയ്യമെങ്കില് ഇന്ത്യയ്ക്കും ചെയ്യാം എന്നാണ് അരുണ്ജയ്റ്റ്ലിയുടെ മറുപടി. അമേരിക്കയ്ക്ക് പാകിസ്ഥാനിലെത്തി ഒസാമയെ കൊല്ലാമെങ്കിലും ഇതുപോലെയുളളതും സംഭവിക്കാം എന്നും അരുണ്ജയ്റ്റ്ലി പറഞ്ഞു. ഡല്ഹിയില് മാധ്യമങ്ങളെ അഭിമുഖീകരിക്കുകയായിരുന്നു അദ്ദേഹം. കേന്ദ്രമന്ത്രിമാരായ നിതിന് ഗഡ്കരി, രവിശങ്കര് പ്രസാദ് എന്നിവരും ഒപ്പമുണ്ടായിരുന്നു.14–ാം തീയതി പുല്വാമയില് പാകിസ്താന് നടത്തിയ ആക്രമണത്തിന് കനത്ത തിരിച്ചടിയാണ് ഇന്ത്യ നല്കിയത്.
ഇതിനിടെ, പാകിസ്ഥാന് വ്യോമസേന അതിര്ത്തി കടന്നതായി കേന്ദ്രസര്ക്കാര് സ്ഥിരീകരിച്ചു!. സൈനിക കേന്ദ്രങ്ങളെ ലക്ഷമാക്കിയുളള നീക്കം വിഫലമാക്കിയെന്ന് വിദേശകാര്യമന്ത്രാലയം അറിയിച്ചു. ഇന്ത്യ ഭീകരരെ ആക്രമിച്ചതിനുള്ള പ്രതികാരമാണ് പാകിസ്ഥാന്റെ നടപടി. ഒരു പാക് പോര് വിമാനം ഇന്ത്യ വെടിവച്ചിട്ടു. വിമാനം വീണത് പാക് ഭൂപ്രദേശത്തെന്നും വിദേശകാര്യമന്ത്രാലയം അറിയിച്ചു.
പാകിസ്ഥാന് ആക്രമണത്തില് ഒരു വിമാനം തകര്ന്നെന്നും പൈലറ്റിനെ കാണാനില്ലെന്നും വിദേശകാര്യവക്താവ് രവിഷ് കുമാര് വ്യക്തമാക്കി. പൈലറ്റിനെ തടവിലാക്കിയെന്ന പാകിസ്ഥാന്റെ വാദം പരിശോധിക്കുന്നു. മിഗ് 21 ബൈസണ് വിമാനമാണ് കാണാതായത്.
ഭീകരതയെക്കുറിച്ച് ഇന്ത്യയുമായി ചര്ച്ചയ്ക്ക് തയാറെന്ന് പാക് പ്രധാനമന്ത്രി ഇമ്രാന് ഖാന്. പുല്വാമ ഭീകരാക്രമണത്തില് അന്വേഷണത്തോട് സഹകരിക്കും. സൈനികനടപടികള് പരിധിവിട്ടാല് ആരുടേയും നിയന്ത്രണത്തില് നില്ക്കില്ല. രണ്ട് ഇന്ത്യന് പൈലറ്റുമാര് പാകിസ്ഥാന്റെ കസ്റ്റഡിയിലുണ്ടെന്നും ഇമ്രാന് ഖാന് അറിയിച്ചു.
പാകിസ്ഥാനുമായുള്ള പ്രശ്നം കൂടുതല് വഷളാക്കാനില്ലെന്ന് ഇന്ത്യ. ജയ്ഷെ മുഹമ്മദ് ക്യാംപില് നടത്തിയ വ്യോമാക്രമണം സൈനികനടപടിയായിരുന്നില്ലെന്ന് വിദേശകാര്യമന്ത്രി സുഷമ സ്വരാജ് ആവര്ത്തിച്ചു. ഭീകരര്ക്കെതിരെ പാകിസ്ഥാന് നടപടിയെടുക്കില്ലെന്ന് ഉറപ്പായതുകൊണ്ടാണ് വ്യോമാക്രമണം നടത്തേണ്ടിവന്നത്. ഇത് പാക് സൈന്യത്തിനോ ജനങ്ങള്ക്കോ എതിരായ നടപടി ആയിരുന്നില്ലെന്നും ചൈനീസ് വിദേശകാര്യമന്ത്രിയുമായി നടത്തിയ ചര്ച്ചയ്ക്കുശേഷം സുഷമ സ്വരാജ് പറഞ്ഞു. ജയ്ഷെ മുഹമ്മദ് സ്ഥാപകന് മൗലാന മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള നീക്കത്തിന് തടസം നില്ക്കരുതെന്ന് വാങ് യിയുമായുള്ള ചര്ച്ചയില് സുഷമ സ്വരാജ് അഭ്യര്ഥിച്ചു.
ഇന്ത്യയും പാകിസ്ഥാനും കൂടുതല് സൈനികനടപടികളിലേക്ക് പോകരുതെന്ന് അമേരിക്ക ആവശ്യപ്പെട്ടു. വിദേശകാര്യമന്ത്രി സുഷമ സ്വരാജിനേയും പാക് വിദേശകാര്യമന്ത്രി ഷാ മെഹ്മൂദ് ഖുറേഷിയേയും ഫോണില് വിളിച്ചാണ് യുഎസ് വിദേശകാര്യസെക്രട്ടറി മൈക്ക് പോംപെയോ ഇക്കാര്യം പറഞ്ഞത്. പാകിസ്ഥാനില് പ്രവര്ത്തിക്കുന്ന ഭീകരസംഘടനകള്ക്കെതിരെ ഫലപ്രദമായ നടപടി വേണമെന്ന് പോംപെയോ ഖുറേഷിയോട് ആവശ്യപ്പെട്ടു. മേഖലയില് ശാന്തിയും സ്ഥിരതയും ഉറപ്പാക്കേണ്ടതിന്റെ ആവശ്യകതയും യുഎസ് വിദേശകാര്യസെക്രട്ടറി ഓര്മിപ്പിച്ചു. ഭീകരവിരുദ്ധപോരാട്ടത്തില് ഇന്ത്യയ്ക്കുള്ള പിന്തുണ സുഷമ സ്വരാജുമായുള്ള സംഭാഷണത്തില് പോംപെയോ ആവര്ത്തിച്ചു.
https://www.facebook.com/Malayalivartha