ഇന്ത്യന്‍ വ്യോമസേന ബാലക്കോട്ടില്‍ പാകിസ്ഥാന് നല്‍കിയ തിരിച്ചടിക്ക് ശേഷം സമൂഹ മാദ്ധ്യമങ്ങളില്‍ പ്രചരിച്ച ഒരു പോസ്റ്റ് നിരവധി പേരാണ് ഷെയര്‍ ചെയ്തത്. ശത്രുക്കളെ ഭയപ്പെടുത്താനായി പാക് അനുകൂലികള്‍ പുറത്തുവിട്ട വീഡിയോ നിരവധി പേരാണ് ഷെയര്‍ ചെയ്തിരിക്കുന്നത്. അമേരിക്കയും,റഷ്യയും, ഫ്രാന്‍സുമല്ല ഇത് പാകിസ്ഥാന്‍ വ്യോമസേനയുടെ താവളമാണ്. വീഡിയോ ഷെയര്‍ ചെയ്യൂ ശത്രുക്കള്‍ പേടിച്ച് വിറയ്ക്കട്ടെ എന്ന അടിക്കുറിപ്പോടെയാണ് വീഡിയോ സമൂഹമാദ്ധ്യമങ്ങളില്‍ പ്രത്യക്ഷപ്പെട്ടത്. എന്നാല്‍ വീഡിയോ കണ്ടു ഭയപ്പെടുന്നതിന് പകരം ഇതെവിടെ നിന്നാണ് വന്നത് എന്നായിരുന്നു അന്വേഷണം.

ബാലക്കോട്ട് ആക്രമണത്തിന് പിന്നാലെയാണ് വീഡിയോ വീണ്ടും പ്രചരിക്കാന്‍ തുടങ്ങിയത്. പാക് അനുകൂലികള്‍ ഇന്ത്യക്കാരെ ഭയപ്പെടുത്താനായി പോസ്റ്റ് ചെയ്ത വീഡിയോയുടെ സത്യാവസ്ഥ തെളിവ് സഹിതം പൊളിച്ചടുക്കിയിരിക്കുകയാണ് സോഷ്യല്‍ മീഡിയ ഉപയോക്താക്കള്‍. ഇത് പാകിസ്ഥാന്‍ എയര്‍ബേസ് ആണെന്നാണ് പാക് അനുകൂലികളുടെ വാദം. 2016 മെയ് മാസത്തിലാണ് ഈ പോസ്റ്റ് സമൂഹമാദ്ധ്യമങ്ങളില്‍ എത്തിയത്. മൂന്നര ദശലക്ഷത്തോളം പേര്‍ വീഡിയോ കാണുകയും ഷെയര്‍ ചെയ്യുകയും ചെയ്തിട്ടുണ്ട്. ഇത് പാകിസ്ഥാന്റെ വ്യോമവ്യൂഹമാണെന്ന് വാദിക്കുന്ന നിരവധി അക്കൗണ്ടുകളും ഫേസ്ബുക്കിലുണ്ട്. തെറ്റിദ്ധരിപ്പിക്കുന്ന ഈ വിഡിയോ ഷൂട്ടു ചെയ്തിരിക്കുന്നത് ദക്ഷിണ കൊറിയയിലെ കുണ്‍സന്‍ വിമാനത്താവളത്തിലാണ്. ഇന്‍വിഡ് വിഡിയോ വെരിഫിക്കേഷന്‍ ടൂള്‍ ഉപയോഗിച്ച് വിഡിയോയിലെ ചില പ്രധാന ഫ്രെയ്മുകള്‍ റിവേഴ്‌സ് സേര്‍ച്ച് നടത്തിയപ്പോള്‍ മനസ്സിലായത് യുട്യൂബിലെ വെരിഫൈഡ് ചാനലായ എയര്‍ സോഴ് മിലിറ്ററിയില്‍ ഏപ്രില്‍ 19, 2013ല്‍ പോസ്റ്റ് ചെയ്തതാണ്. 16 ലക്ഷത്തിലേറെ ഫോളോവേഴ്‌സ് ഉള്ള ചാനലാണ് എയര്‍ സോഴ്‌സ് മിലിറ്ററി. ദക്ഷിണ കൊറിയയിലെ കുന്‍സണ്‍ വിമാനത്താവളത്തില്‍ അമേരിക്കന്‍ വ്യോമസേനയുടെ എഫ്16 വിമാനങ്ങളുടെ വമ്പന്‍ പ്രദര്‍ശനത്തിന്റേതാണെന്ന് രാജ്യാന്തര വാര്‍ത്താ ഏജന്‍സിയായ എഫ്.ബി നിടത്തിയ പഠനത്തില്‍ പറയുന്നു.രണ്ടു വീഡിയോകളില്‍ നിന്നുള്ള സ്‌ക്രീന്‍ ഷോട്ടുകള്‍ തമ്മില്‍ നടത്തിയ താരതമ്യങ്ങളില്‍ വിമാനങ്ങള്‍ വിന്യസിച്ചിരിക്കുന്ന രീതിയും ജെറ്റ് വിമാനങ്ങളുടെ നിര്‍മാണത്തിലുള്ള സാമ്യവും ചുറ്റുപാടുകളുടെ ഭൂപ്രകൃതിയും എല്ലാം ഒന്നു തന്നെയാണെന്ന് വ്യക്തമാകുന്നുണ്ട്.
കൂടാതെ പാക് അനുകൂലികള്‍ പോസ്റ്റ് ചെയ്തിരിക്കുന്ന വീഡിയോയില്‍ കാണുന്ന വാട്ടര്‍മാര്‍ക്ക് ശ്രദ്ധിച്ചാല്‍ മനസിലാകും ഇത് ആരുടെ വിമാനങ്ങളാണെന്ന കാര്യം.ുമസഇത്രയൊക്കെ തെളിവുകളുമായി കള്ളത്തരം പൊളിച്ചാലും അത് സമ്മതിക്കാന്‍ ഇവര്‍ തയ്യാറായിട്ടുമില്ല. ഈ യുട്യൂബ് ചാനലിന്റെ എബൗട്ട് സെക്ഷനില്‍ നോക്കിയാല്‍ ലഭിക്കുന്ന വിവരങ്ങള്‍ മതിയാകും പൊള്ളയായ വീഡിയോയുടെ കഥ. ഇത് അമേരിക്കന്‍ സൈന്യം, നാവിക സേന, വ്യോമസേന, കോസ്റ്റ് ഗാര്‍ഡ്‌സ് തുടങ്ങിയവയെ കുറിച്ചുള്ള വാര്‍ത്തകള്‍ പോസ്റ്റു ചെയ്യുന്ന ന്യൂസ് വെബ്‌സൈറ്റാണെന്ന കാര്യം. ഇവരുടെ ചാനലില്‍ പോസ്റ്റു ചെയ്തിരിക്കുന്ന വിഡിയോ ഫുള്‍ എച്ച്.ഡി ആയി കാണാന്‍ സാധിക്കും. അതായത് ചാനലിന് വീഡിയോകള്‍ ലഭിക്കുന്നത് കൃത്യമായ ഉറവിടങ്ങളില്‍ നിന്നാണ്. എന്തായാലും പേടിപ്പിക്കാനിറക്കിയ വീഡിയോ ഇപ്പോള്‍ ചിരിപ്പിക്കാനുള്ള വകയായിമാറി എന്നര്‍ത്ഥം.