ഒടുവില്‍ കൊടുംഭീകരന്‍ പിടിയില്‍; പുല്‍വാമ ഭീകരാക്രമണ സൂത്രധാരന്റെ അടുത്ത അനുയായി ഡല്‍ഹിയില്‍ അറസ്റ്റില്‍
പുല്‍വാമ ഭീകരാക്രമണ സൂത്രധാരന്റെ അടുത്ത അനുയായി ഡല്‍ഹിയില്‍ അറസ്റ്റില്‍. ജയ്‌ഷെ മുഹമ്മദ് ഭീകരന്‍ സജ്ജദ് ഖാനെ ഡല്‍ഹി പൊലീസ് അറസ്റ്റ് ചെയ്തു. പുല്‍വാമ ഭീകരാക്രമണ സൂത്രധാരന്‍ മുദ്ദസിര്‍ അഹമ്മദ് ഖാന്റെ അടുത്ത അനുയായിയാണ് സജ്ജദ് ഖാന്‍. ഡല്‍ഹി ചെങ്കോട്ടയ്ക്കു സമീപത്തുനിന്നാണ് ഇന്നലെ രാത്രി സജ്ജദ് ഖാനെ അറസ്റ്റ് ചെയ്തത്. ദേശീയ അന്വേഷണ ഏജന്‍സിയും ഇന്റലിജന്‍സ് ബ്യൂറോയും ചോദ്യം ചെയ്യ്ത് വരികയാണ്. സജ്ജദിന്റെ രണ്ട് സഹോദരന്മാരും ജെയ്‌ഷെ മുഹമ്മദിലെ അംഗങ്ങളാണെന്നും ഡല്‍ഹി പൊലീസ് വ്യക്തമാക്കിയിട്ടുണ്ട്.
ഈ മാസം ആദ്യം കാശ്മീരില്‍ നടന്ന ഏറ്റുമുട്ടലില്‍ മുദാസിറിനെ സൈന്യം വധിച്ചിരുന്നു. അതേസമയം, ജമ്മുകാശ്മീരിലെ ബന്ദിപുരയില്‍ സുരക്ഷാ സേന നടത്തിയ തിരച്ചിലില്‍ രണ്ടു ഭീകരരെ വധിച്ചു. ഹാജിന്‍ മേഖലയില്‍ തീവ്രവാദികള്‍ ഒളിച്ചിരുന്ന കെട്ടിടം സേന വളഞ്ഞിരുന്നു. തുടര്‍ന്ന് നടത്തിയ വെടിവയ്പ്പിലാണ് രണ്ടു പേരെ വധിച്ചത്.ഷോപിയാന്‍ ജില്ലയില്‍ തീവ്രവാദികളുമായി ഏറ്റുമുട്ടല്‍ തുടരുകയാണ്. ഇമാം ഷാഹിബ് മേഖലയിലെ ജനവാസ പ്രദേശത്തുള്ള കെട്ടിടത്തില്‍ ഒളിച്ചിരുന്ന തീവ്രവാദികള്‍ തെരച്ചില്‍ നടത്തുകയായിരുന്ന സുരക്ഷാസേനക്ക് നേരെ വെടിയുതിര്‍ക്കുകയായിരുന്നു. കെട്ടിടം സുരക്ഷാ സേന വളഞ്ഞു. മൂന്നു തീവ്രവാദികള്‍ ഒളിച്ചിരിക്കുന്നതായാണ് വിവരം.
https://www.facebook.com/Malayalivartha
