ഭീകരരുടെ വക്താക്കള് സായുധ സേനയെ ഇകഴ്ത്തുന്നത് സ്വാഭാവീകമാണ്; വ്യോമാക്രമണത്തില് സംശയം പ്രകടിപ്പിച്ച കോണ്ഗ്രസ് നേതാവ് സാം പിത്രോദയെ വിമര്ശിച്ച് പ്രധാനമന്ത്രി നരേന്ദ്ര മോദി
ബാലാകോട്ട് വ്യോമാക്രമണത്തില് സംശയം പ്രകടിപ്പിച്ച കോണ്ഗ്രസ് നേതാവ് സാം പിത്രോദയെ വിമര്ശിച്ച് പ്രധാനമന്ത്രി നരേന്ദ്ര മോദി. ഭീകരരുടെ വക്താക്കള് സായുധ സേനയെ ഇകഴ്ത്തുന്നത് സ്വാഭാവീകമാണെന്ന് അദ്ദേഹം പറഞ്ഞു.
പാക്കിസ്ഥാന് ദേശീയ ദിനാചരണം ആഘോഷമാക്കാന് കോണ്ഗ്രസ് നേതാക്കള് ഇന്ത്യന് സായുധ സേനയെ അധിക്ഷേപിക്കുകയാണ്. എന്നാല് പുതിയ ഇന്ത്യ, ഭീകരര്ക്ക് അവര്ക്ക് മനസിലാകുന്ന ഭാഷയില് പലിശ സഹിതം മറുപടി നല്കുമെന്നും അദ്ദേഹം പറഞ്ഞു.
പാക്കിസ്ഥാനിലെ ബാലാകോട്ടില് വ്യോമസേന നടത്തിയ മിന്നലാക്രമണത്തിന്റെ യഥാര്ഥ വസ്തുതകളില് വ്യക്തതയില്ലെന്നായിരുന്നു പ്രവാസി കോണ്ഗ്രസ് അധ്യ ക്ഷന് സാം പിത്രോദയുടെ ആരോപണം. ആക്രമണത്തില് 300 ഭീകരര് കൊല്ലപ്പെട്ടതായുള്ള വാദങ്ങള് രാജ്യാന്തര മാധ്യമങ്ങള് തള്ളിയതാണെന്നും എഎന് ഐയ്ക്കു നല്കിയ അഭിമുഖത്തില് പിത്രോദ പറഞ്ഞു.
പുല്വാമ പോലുള്ള ആക്രമണം എപ്പോഴും സംഭവിക്കുന്നതാണ്. യുപിഎ ഭരണകാലത്ത് മുംബൈയിലും ആക്രമണമുണ്ടായി. എന്നാല് അന്നൊന്നും യുദ്ധവിമാ നങ്ങള് അയച്ച് നമ്മള് പ്രതികരിച്ചിട്ടില്ല. അത് ശരിയായ സമീപനമല്ലെന്നും പിത്രോദ കേന്ദ്ര സര്ക്കാരിനെ വിമര്ശിച്ച് പറഞ്ഞു.
കുറച്ചു ഭീകരര് നടത്തിയ ആക്രമണത്തിന് ഒരു രാജ്യത്തെയാകെ കുറ്റപ്പെടുത്താനാകില്ലെന്നും പിത്രോദ വ്യക്തമാക്കി. പിത്രോദയുടെ പരാമര്ശത്തിനെതിരേ പ്രധാ നമന്ത്രി നരേന്ദ്ര മോദി രംഗത്തെത്തി. സൈന്യത്തിന്റെ ആത്മവീര്യം കെടുത്താനുള്ള ശ്രമങ്ങളാണ് കോണ്ഗ്രസ് നടത്തുന്നതെന്ന് അദ്ദേഹം പറഞ്ഞു.
https://www.facebook.com/Malayalivartha