എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായരുടെ ഭാര്യ കെ. കുമാരി ദേവി (75)യുടെ ശവ സംസ്കാരം വൈകിട്ട് മൂന്നരയ്ക്ക് മധുമൂലയിലെ വീട്ടുവളപ്പിൽ നടന്നു. സാംസ്കാരിക രംഗത്തെ പ്രമുഖർ ചടങ്ങിൽ സാക്ഷ്യം വഹിച്ചു. ഉമ്മൻചാണ്ടി, കെ.സി. ജോസഫ്, തിരുവഞ്ചൂർ രാധാകൃഷ്‌ണൻ തുടങ്ങിയ രാഷ്ട്രീയ പ്രമുഖർ ചടങ്ങിൽ പങ്കെടുത്തു.

ഇന്നലെ വൈകിട്ട് കോട്ടയത്തെ സ്വകാര്യ ആശുപത്രിയില്‍ ആയിരുന്നു അന്ത്യം. പ്രമേഹ സംബന്ധമായ അസുഖങ്ങളെ തുടര്‍ന്ന് രണ്ടുവര്‍ഷത്തോളമായി ചികിത്സയിലായിരുന്നു. മക്കള്‍: ഡോ. എസ് സുജാത ( പ്രിന്‍സിപ്പല്‍, എന്‍എസ്എസ് ഹിന്ദു കോളേജ് ചങ്ങനാശ്ശേരി), സുരേഷ് കുമാര്‍ ( കൊടക് മഹിന്ദ്ര ബാങ്ക്), ശ്രീകുമാര്‍ ( എന്‍എസ്എസ് ഹെഡ് ഓഫീസ്, പെരുന്ന), ഉഷ റാണി.