ഇന്ത്യയിലെ പ്രമുഖ ഹോട്ടൽ ശൃംഖലയായ ശരവണ ഭവന്റെ ഉടമ പി.രാജഗോപാലിന്റെ ജീവപര്യന്തം തടവ്‌ ശരിവച്ച് സുപ്രീംകോടതി. 2001 ൽ ഹോട്ടലിൽ ജീവനക്കാരനായിരുന്ന ശാന്തകുമാറിനെ കൊലപ്പെടുത്തിയെന്ന കേസിലാണു സുപ്രീംകോടതി വിധി പ്രസ്താവിച്ചത്. എത്രയും വേഗം കീഴടങ്ങണമെന്നും രാജഗോപാലിനോട് കോടതി ആവശ്യപ്പെട്ടു. കേസിൽ 2009 ൽ രാജഗോപാൽ ജാമ്യം നേടിയിരുന്നു. നേരത്തെ മദ്രാസ് ഹൈക്കോടതിയും ജീവപര്യന്തം തടവിന് ശിക്ഷിച്ചിരുന്നു. തുടർന്നാണ് വിധിക്കെതിരെ രാജഗോപാൽ സുപ്രീംകോടതിയെ സമീപിച്ചത്. ശാന്തകുമാറിന്റെ ഭാര്യയെ വിവാഹം കഴിക്കുന്നതിനായി രാജഗോപാൽ ശാന്തകുമാറിനെ കൊല്ലുകയായിരുന്നുവെന്ന് പ്രോസിക്യൂഷൻ ആരോപിച്ചിരുന്നു. കൊടൈക്കനാലിലെ വനത്തിൽ ഇയാളുടെ മൃതദേഹം മറവുചെയ്യുകയായിരുന്നു.

ജീവപര്യന്തം തടവിന് ശിക്ഷിക്കപ്പെട്ട ശരവണഭവൻ ഹോട്ടൽ ശൃഖല ഉടമ പി.രാജഗോപാൽ കൃത്യം നടത്തിയത് വ്യക്തമായ ആസൂത്രണത്തോടെയായിരുന്നു. 2001 ഒക്ടോബറിലാണ് പ്രിൻസ് ശാന്തകുമാറിനെ ചെന്നൈയിൽ നിന്ന് കൊടൈക്കനാലിലേക്ക് തട്ടിക്കൊണ്ടുപോയി കൊലപ്പെടുത്തിയത്. പ്രിൻസ് ശാന്തകുമാർ പ്രണയിച്ചിരുന്ന യുവതിയെ വിവാഹം കഴിക്കാനായിരുന്നു കൊലപാതകം ആസൂത്രണം ചെയ്തത്. അണ്ണാച്ചി എന്നാണ് രാജഗോപാൽ അറിയപ്പെട്ടിരുന്നത്. സൗത്ത് ഇന്ത്യയിലെ പ്രമുഖ ഹോട്ടൽ ശൃംഖലയാണ് ശരവണഭവൻ.

ജ്യോതിഷൻ പറഞ്ഞതു പ്രകാരമാണ് 20 വയസുള്ള പെൺകുട്ടിയെ വിവാഹം കഴിക്കാൻ ശരവണഭവൻ ഹോട്ടൽ ഉടമ രാജഗോപാൽ ഒരുങ്ങിയത്. അയാളുടെ മൂന്നാമെത്തെ വിവാഹമായിരുന്നു. എന്നാൽ പെൺകുട്ടി പ്രിൻസുമായി അടുപ്പത്തിലാണെന്ന് മനസിലാക്കിയ രാജഗോപാൽ പ്രിൻസിനെ ക്രൂരമായി കൊലപ്പെടുത്താൻ തീരുമാനിക്കുകയായിരുന്നു. 18 വർഷങ്ങൾക്കുശേഷമാണ് കേസിൽ വിധി വരുന്നത്.

ശരവണഭവനിൽ ജോലിചെയ്യുകയായിരുന്നു പെൺകുട്ടിയുടെ പിതാവ്. ഇയാളുടെ മകൾ 20 കാരിയായ ജീവജ്യോതിയെ വിവാഹം കഴിക്കണമെന്ന് പെൺകുട്ടിയുടെ പിതാവിനോട് രാജഗോപാൽ ആവശ്യപ്പെട്ടിരുന്നു. പക്ഷെ പെൺകുട്ടിക്ക് ഇൗ വിവരം അറിയില്ലായിരുന്നു. പ്രിൻസ് ശാന്തകുമാറുമായി പ്രണയത്തിലായിരുന്ന പെൺകുട്ടി അയാളുമൊത്ത് ഒളിച്ചോടുകയും പിന്നീട് വിവാഹിതരാകുകയും ചെയ്തു.

ഇതിനുശേഷമാണ് രാജഗോപാൽ പ്രിൻസിന്റെ കൊലപാതകം ആസൂത്രണം ചെയ്യുന്നത്. പെൺകുട്ടിക്കരികിൽ നിന്ന് പ്രിൻസിനെ തട്ടിക്കൊണ്ടു പോകുകയും പിന്നീട് കൊലപ്പെടുത്തുകയുമായിരുന്നു. കൊടൈക്കനാലിലാണ് പ്രിൻസിന്റെ മൃതദേഹം കണ്ടെത്തിയത്. മൂന്ന് വർഷങ്ങൾക്ക് ശേഷമാണ് രാജഗോപാൽ കുറ്റക്കാരനാണെന്ന് പൊലീസ് കൊണ്ടെത്തിയത്. 18 വർഷങ്ങൾക്ക് ശേഷമാണ് കേസിൽ വിധിവരുന്നത്. രാജഗോപാലിനെതിരെ ആദ്യം ചുമത്തിയ മനഃപൂർവമല്ലാത്ത നരഹത്യ വകുപ്പ് മാറ്റി കൊലക്കുറ്റം ചുമത്തിയ മദ്രാസ് ഹൈക്കോടതി വിധി ശരിയായിരുന്നുവെന്നും കോടതി വ്യക്‌തമാക്കി.

കേസിൽ ശരവണഭവൻ ഹോട്ടൽ ശൃഖല ഉടമ പി. രാജഗോപാലിന് വിധിച്ച ജീവപര്യന്തം കഠിനതടവ് സുപ്രീംകോടതി ശരിവച്ചു. രാജഗോപാലിനെതിരെ ആദ്യം ചുമത്തിയ മനഃപൂർവമല്ലാത്ത നരഹത്യ വകുപ്പ് മാറ്റി കൊലക്കുറ്റം ചുമത്തിയ മദ്രാസ് ഹൈക്കോടതി വിധി ശരിയായിരുന്നുവെന്നും കോടതി വ്യക്‌തമാക്കി. 2001 ഒക്ടോബറിലാണ് പ്രിൻസ് ശാന്തകുമാറിനെ ചെന്നൈയിൽ നിന്ന് കൊടൈക്കനാലിലേക്ക് തട്ടിക്കൊണ്ടുപോയി കൊലപ്പെടുത്തിയത്. യുഎസ്, യുകെ, ഫ്രാൻസ്, ഓസ്ട്രേലിയ അടക്കം 20 രാജ്യങ്ങളിൽ ശരവണഭവന് ഹോട്ടലുകളുണ്ട്. ഇന്ത്യയിൽ മാത്രം 25 ഹോട്ടലുകളാണുള്ളത്.