താനും ഒരു ഹിന്ദുവാണ്, എന്നിട്ടും എന്തിനാണ് ശത്രുത കാണിക്കുന്നത്; തന്നെ ആര്എസ്എസ് വിരുദ്ധനും ഹിന്ദുവിരുദ്ധനുമാക്കി പ്രചാരണം നടത്തുന്നതിനെതിരെ പ്രതികരണവുമായി ദിഗ് വിജയ് സിംഗ്
താനും ഒരു ഹിന്ദുവാണ്, എന്നിട്ടും എന്തിനാണ് തന്നോട് ശത്രുത കാണിക്കുന്നതെന്ന് ആര്എസ്എസിനോട് മുതിര്ന്ന കോണ്ഗ്രസ് നേതാവും മധ്യപ്രദേശ് മുന് മുഖ്യമന്ത്രിയുമായ ദിഗ് വിജയ് സിംഗ്. ബിജെപിയുടെ കോട്ടയായ ഭോപ്പാലിലെ കോണ്ഗ്രസ് സ്ഥാനാര്ഥിയാണ് അദ്ദേഹം. തന്നെ ആര്എസ്എസ് വിരുദ്ധനും ഹിന്ദുവിരുദ്ധനുമാക്കി പ്രചാരണം നടത്തുന്നതിനെതിരെ പ്രതികരിക്കുകയായിരുന്നു അദ്ദേഹം.
താന് ശങ്കരാചാര്യരുടെ ശിഷ്യനും അദ്ദേഹത്തിന്റെ ആദര്ശങ്ങള് പിന്തുടരാന് ശ്രമിക്കുകയും ചെയ്യുന്ന ഒരാളുമാണ്. എന്നാല് തന്റെ വിശ്വാസം മറ്റുള്ളവര്ക്ക് മുമ്ബില് പ്രദര്ശിപ്പിച്ച് നടക്കാറില്ലെന്നും അദ്ദേഹം പറഞ്ഞു. തനിക്ക് ആര്എസ്എസുമായി യാതൊരു കലഹവുമില്ല. എനിക്ക് ആര്എസ്എസുമായി യാതൊരു തര്ക്കവുമില്ല. ആര്എസ്എസ് ഹിന്ദുക്കളുടെ സംഘടനയാണ്. പിന്നെ എന്തിനാണ് നിങ്ങള്(ആര്എസ്എസ്) എന്നോട് ശത്രുത കാണിക്കുന്നതെന്നും അദ്ദേഹം ചോദിച്ചു.
1983 മുതല് ദ്വാരക ശാരദാപീഠം ശങ്കരാചാര്യ സ്വാമി സ്വരുപാനന്ദ സരസ്വതി ശിഷ്യനാണ് ഞാന്. പുരപ്പുറയില് കയറി തന്റെ വിശ്വാസം കൊട്ടിയറിയിക്കാനോ തെരഞ്ഞെടുപ്പ് സമയത്ത് ചൂഷണം ചെയ്യാനോ ശ്രമിക്കാറില്ല.- അദ്ദേഹം പറഞ്ഞു. രാഷ്ട്രീയം ഭിന്നിപ്പിക്കുന്നു, കുടുംബങ്ങളെ വരെ ഭിന്നിപ്പിക്കും. രാഷ്ട്രീയത്തെ ഒരിക്കലും മതവുമായി ബന്ധിപ്പിക്കരുതെന്നും കോണ്ഗ്രസ് നേതാവ് പറഞ്ഞു.
'കോണ്ഗ്രസ് മുക്ത ഭാരതം' എന്ന ബിജെപി മുദ്രാവാക്യം ഹിറ്റ്ലറുടെ ചിന്താഗതിയാണ്. പ്രതിപക്ഷം വേണ്ടയെന്ന മനോഭാവമാണ്. ഈ ചിന്താഗതിക്ക് എതിരെയാണ് തങ്ങള് പോരാടുന്നതെന്നും ദിഗ് വിജയ് സിംഗ് പറഞ്ഞു. പ്രധാനമന്ത്രി നരേന്ദ്രമോദി രണ്ടു കോടി തൊഴിലവസരം വാഗ്ദാനം ചെയ്തിരുന്നു. എന്നാല് നോട്ട് റദ്ദാക്കല് നടപ്പാക്കിയതോടെ അനുദിനം 27,000 പേര്ക്ക് തൊഴില് നഷ്ടമുണ്ടാകുകയാണെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha