ജെഡിഎസ് നേതാവ് ദേവഗൗഡയ്ക്കെതിരെ മത്സരിക്കുന്ന കോണ്ഗ്രസ് വിമത നേതാവ് പത്രിക പിന്വലിച്ചു
കര്ണാടകയില് ജെഡിഎസ് നേതാവ് ദേവഗൗഡയ്ക്കെതിരെ മത്സരിക്കുന്ന കോണ്ഗ്രസ് വിമത നേതാവ് പത്രിക പിന്വലിച്ചു. കോണ്ഗ്രസ് എംപി മുദ്ദഹനുമഗൗഡയാണ് പത്രിക പിന്വലിച്ചത്. തുമകുരുവില് ദേവഗൗഡയ്ക്കെതിരെ സ്വതന്ത്ര സ്ഥാനാര്ഥിയായാണ് മുദ്ദഹനുമഗൗഡ പത്രിക നല്കിയിരുന്നത്.
കഴിഞ്ഞ ലോക്സഭാ തെരഞ്ഞെടുപ്പില് തുമകുരുവില്നിന്നുമാണ് മുദ്ദഹനുമഗൗഡ വിജയിച്ചത്. ഈ സീറ്റ് സഖ്യകക്ഷിയായ ജെഡിഎസിന് കോണ്ഗ്രസ് വിട്ടുനല്കിയതില് പ്രതിഷേധിച്ചാണ് മുദ്ദഹനുമഗൗഡ മത്സരിക്കാന് തീരുമാനിച്ചത്. ഒടുവില് ഉപമപഖ്യമന്ത്രി ജി. പരമേശ്വര നടത്തിയ മധ്യസ്ഥ ചര്ച്ചയിലാണ് മുദ്ദഹനുമഗൗഡ കലാപം അവസാനിപ്പിച്ചത്. വെള്ളിയാഴ്ച നാമനിര്ദേശ പത്രിക പിന്വലിക്കുകയും ചെയ്തു.
https://www.facebook.com/Malayalivartha