ലോക്‌സഭാ തിരഞ്ഞെടുപ്പില്‍ രാഹുല്‍ ഗാന്ധി വയനാട്ടില്‍ മത്സരിക്കുന്നതിന് സാദ്ധ്യതയേറി. ദക്ഷിണേന്ത്യയില്‍ മത്സരിക്കണമെന്ന ആവശ്യം ന്യായമാണെന്ന് രാഹുല്‍ ഗാന്ധി അഭിപ്രായപ്പെട്ടതായാണ് റിപ്പോര്‍ട്ടുകള്‍. ദക്ഷിണേന്ത്യയില്‍ നരേന്ദ്രമോദി ധ്രുവീകരണത്തിന് ശ്രമിച്ച സാഹചര്യത്തില്‍ മത്സരിക്കുന്നതില്‍ തെറ്റില്ലെന്ന് രാഹുല്‍ ഗാന്ധി പറയുന്നു. എന്നാല്‍ ഇതു സംബന്ധിച്ച്‌ തീരുമാനമെടുത്തിട്ടില്ലെന്ന് രാഹുല്‍ പറഞ്ഞു.

എന്നാല്‍ ദക്ഷിണേന്ത്യയില്‍ മത്സരിക്കുകയാണെങ്കില്‍ കര്‍ണാടകയിലാണോ,​ വയനാട്ടിലാണോ മത്സരിക്കുക എന്ന കാര്യത്തില്‍ അനിശ്ചിതത്വം തുടരുന്നതാണ് തീരുമാനമെടുക്കാത്തതിന് പിന്നിലെന്നാണ് നിഗമനം.