ഇന്ത്യന് സൈന്യത്തെ 'മോദി സേന' എന്ന് വിശേഷിപ്പിച്ച് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, ഭീകരര്ക്ക് കോണ്ഗ്രസ് ബിരിയാണി വിളമ്പി സല്ക്കരിക്കുമ്പോള് 'മോദിയുടെ സേന' അവര്ക്ക് ബോംബുകളും വെടിയുണ്ടകളുമാണ് നല്കുന്നതെന്നും യോഗി
ഇന്ത്യന് സൈന്യത്തെ 'മോദി സേന' എന്ന് വിശേഷിപ്പിച്ച് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. യോഗിയുടെ പ്രസ്താവനക്കെതിരെ പ്രതിപക്ഷം ശക്തമായി പ്രതിഷേധിച്ചു. മുഹമ്മദ് അഖ്ലാഖിനെ കൊലപ്പെടുത്തിയ കേസിലെ പ്രതികളെ സാക്ഷിയാക്കി പശു സംരക്ഷണത്തിന്റെ മഹത്വവും യോഗി ആദിത്യനാഥ് തിരഞ്ഞെടുപ്പ് പ്രചാരണവേദിയില് പറഞ്ഞു.
ഗാസിയാബാദില് നടന്ന തിരഞ്ഞെടുപ്പ് റാലിയിലാണ് യോഗി ആദിത്യനാഥ് ഇന്ത്യന് സൈന്യത്തെ മോദി സേന എന്ന് വിശേഷിപ്പിച്ചത്. ഭീകരര്ക്ക് കോണ്ഗ്രസ് ബിരിയാണി വിളമ്പി സല്ക്കരിക്കുമ്പോള് 'മോദിയുടെ സേന' അവര്ക്ക് ബോംബുകളും വെടിയുണ്ടകളുമാണ് നല്കുന്നതെന്നും യോഗി പറഞ്ഞു. തികച്ചും ലജ്ജാകരമായ പ്രസ്താവനയാണിതെന്ന് ബംഗാള് മുഖ്യമന്ത്രി മമത ബാനര്ജി പ്രതികരിച്ചു. പ്രസ്താവന സൈന്യത്തിന് അപമാനമാണെന്നും യോഗി മാപ്പു പറയണമെന്നും കോണ്ഗ്രസും ആവശ്യപ്പെട്ടു.
സൈന്യത്തിന്റെ നേട്ടങ്ങളെ തിരഞ്ഞെടുപ്പ് പ്രചാരണത്തിന് ഉപയോഗിക്കുന്നതിനെതിരെ തിരഞ്ഞെടുപ്പ് കമ്മിഷന് ശക്തമായ മുന്നറിയിപ്പ് നല്കിയിരുന്നു. പശുവിറച്ചി കൈവശംവെച്ചുവെന്ന് ആരോപിച്ച് 2015ല് മുഹമ്മദ് അഖ്!ലാഖിനെ െകാലപ്പെടുത്തിയ സംഭവത്തിലെ പ്രതികളെ സാക്ഷിയാക്കിയാണ് ഗ്രേറ്റര് നോയിഡയിലെ ബിസാരയില് യോഗി ആദിത്യനാഥ് പശുസംരക്ഷണത്തെക്കുറിച്ച് പറഞ്ഞത്.ി ബിജെപിയിലേക്ക്'
ബിജെപി നേതാവ് സഞ്ജയ് റാണയുടെ മകനും മുഖ്യപ്രതിയുമായ വിശാല് റാണയും കൂട്ടുപ്രതികളും യോഗിയുടെ പ്രസംഗത്തിന് കൈയ്യടിക്കുന്ന ദൃശ്യങ്ങള് ഹിന്ദി ചാനലുകളാണ് പുറത്തുവിട്ടത്. ഗൗതം ബുദ്ധ നഗര് മണ്ഡലത്തിലെ ബിജെപി സ്ഥാനാര്ഥിക്ക് വേണ്ടി പ്രചാരണത്തിന് ഇറങ്ങിയതായിരുന്നു യോഗി.
"
https://www.facebook.com/Malayalivartha