രാജസ്ഥാന് ഗവര്ണര് കല്യാണ് സിങ്ങിന്റെ പ്രസ്താവന മാതൃകാ പെരുമാറ്റച്ചട്ടത്തിന്റെ ലംഘനമെന്ന് തിരഞ്ഞെടുപ്പ് കമ്മീഷന്റെ കണ്ടെത്തല്
രാജസ്ഥാന് ഗവര്ണര് കല്യാണ് സിങ്ങിന്റെ പ്രസ്താവന മാതൃകാ പെരുമാറ്റച്ചട്ടത്തിന്റെലംഘനമെന്ന് തിരഞ്ഞെടുപ്പ് കമ്മീഷന് കണ്ടെത്തി. നരേന്ദ്ര മോദിയെ വീണ്ടും തിരഞ്ഞെടുക്കണമെന്ന പ്രസ്താവനയാണ് ചട്ടലംഘനമായത്. ഇക്കാര്യത്തില് നടപടി ആവശ്യപ്പെട്ട് രാഷ്ട്രപതി രാംനാഥ് കോവിന്ദിന് തിരഞ്ഞെടുപ്പ് കമ്മീഷന് കത്തെഴുതുമെന്നും റിപ്പോര്ട്ടുണ്ട്.മാര്ച്ച്23ന് അലിഗഡില് മാധ്യമങ്ങളോട് സംസാരിക്കവെയാണ് മോദിക്ക് അനുകൂലമായി പ്രസ്താവന നടത്തിയത്.
ഞങ്ങളെല്ലാം ബിജെപി പ്രവര്ത്തകരാണ്. മോദി വീണ്ടും പ്രധാനമന്ത്രിയാകണമെന്നാണ് എല്ലാവരും ആഗ്രഹിക്കുന്നതെന്നേമാദി വിജയിക്കേണ്ടത് രാജ്യത്തിന് അനിവാര്യമാണെന്നും അദ്ദേഹം പറഞ്ഞിരുന്നു. സംഭവം വിവാദമായതിനെ തുടര്ന്ന് തിരഞ്ഞെടുപ്പ് കമ്മീഷന് ഉത്തര്പ്രദേശ് മുഖ്യ തിരഞ്ഞെടുപ്പ് കമ്മീഷനോട് റിപ്പോര്ട്ട് തേടിയിരുന്നു. തുടര്ന്ന് തിരഞ്ഞെടുപ്പ് കമ്മീഷന് റിപ്പോര്ട്ട് പരിശോധിക്കുകയും കല്യാണ് സിങ്ങിന്റെ പ്രസ്താവന തിരഞ്ഞെടുപ്പ് പെരുമാറ്റച്ചട്ട ലംഘനമാണെന്ന് കണ്ടെത്തുകയും ചെയ്തിരുന്നു.
മുമ്പ് ഹിമാചല് പ്രദേശ് ഗവര്ണറായിരുന്ന ഗുല്ഷര് അഹമ്മദും പെരുമാറ്റച്ചട്ടം ലംഘിച്ച സംഭവമുണ്ടായിരുന്നു. മധ്യപ്രദേശില് മത്സരിച്ച ഗുല്ഷറിന്റെ മകന് സയീദ് അഹമ്മദിനുവേണ്ടി പ്രസ്താവനയിറക്കിയിരുന്നു. ഔദ്യോഗിക സംവിധാനം ദുരുപയോഗം ചെയ്തതായി കണ്ടെത്തിയ തിരഞ്ഞെടുപ്പ് കമ്മീഷന്റെ വിമര്ശനത്തിന് ഇടയാക്കിയിരുന്നു. ഇതിനെ തുടര്ന്ന് ഗുല്ഷര് മുഹമ്മദ് ഗവര്ണര് സ്ഥാനം രാജിവെക്കുകയും ചെയ്തിരുന്നു.
https://www.facebook.com/Malayalivartha