'ജനങ്ങള്‍ അത് ആഗ്രഹിച്ചിരുന്നു. അത് കണ്ടില്ലെന്ന് എങ്ങനെ എനിക്ക് നടിക്കാനാവും'; പൊതുഇടങ്ങളില്‍ സ്വന്തം പ്രതിമ സ്ഥാപിച്ചതിനെ ന്യായീകരിച്ച്‌ ബിഎസ്പി നേതാവ് മായാവതി
ഉത്തര്‍പ്രദേശില്‍ മുഖ്യമന്ത്രിയായിരിക്കെ പൊതുഇടങ്ങളില്‍ സ്വന്തം പ്രതിമ സ്ഥാപിച്ചതിനെ ന്യായീകരിച്ച്‌ ബിഎസ്പി നേതാവ് മായാവതി. പ്രതിമകള്‍ സ്ഥാപിച്ചത് ജനങ്ങളുടെ താല്‍പര്യാര്‍ത്ഥമായിരുന്നുവെന്നും മായാവതി സുപ്രീംകോടതിയില്‍ സമര്‍പ്പിച്ച സത്യവാങ്മൂലത്തില്‍ പറഞ്ഞു.
ജനങ്ങളുടെ ആഗ്രഹം സംസ്ഥാന സര്‍ക്കാര്‍ നടപ്പാക്കുകയായിരുന്നുവെന്നും ഇതിനായി സംസ്ഥാന സര്‍ക്കാര്‍ ബഡ്ജറ്റില്‍ തുക അനുവദിച്ചിരുന്നുവെന്നും ഇതിനായി എല്ലാ നടപടികളും പാലിച്ചിരുന്നുവെന്നും അവര്‍ പറഞ്ഞു.
നികുതിയിനത്തില്‍ സര്‍ക്കാരിന് ലഭിച്ച പണം ഉപയോഗിച്ച്‌ തന്റെ പ്രതിമകള്‍ നാടുനീളെ സ്ഥാപിച്ച മായാവതിയുടെ നടപടി ഏറെ വിവാദങ്ങള്‍ക്കും പ്രതിഷേധങ്ങള്‍ക്കും കാരണമായിരുന്നു. മത്രമല്ല ബിഎസ്പി ചിഹ്നമായ ആനയുടെ പ്രതിമകളും മായാവതിയുടെ ഭരണകാലത്ത് പൊതു ഇടങ്ങളില്‍ സ്ഥാപിച്ചിരുന്നു.
ഇത് സംബന്ധിച്ച പരാതിയില്‍ വാദം കേള്‍ക്കല്‍ തുടരുന്നതിനിടെയാണ് താന്‍ ജനങ്ങളുടെ ആഗ്രഹം നിറവേറ്റുകയായിരുന്നെന്ന് മായാവതി പ്രസ്താവിച്ചിരിക്കുന്നത്. 'ജനങ്ങള്‍ അത് ആഗ്രഹിച്ചിരുന്നു. അത് കണ്ടില്ലെന്ന് എങ്ങനെ എനിക്ക് നടിക്കാനാവും' എന്നായിരുന്നു മായാവതിയുടെ ചോദ്യം.
https://www.facebook.com/Malayalivartha
