തെരഞ്ഞെടുപ്പ് പ്രചരണത്തിനായി തയ്യാറാക്കിയകോൺഗ്രസിന്റെ 20 പരസ്യങ്ങളാണ് മധ്യപ്രദേശ് കോണ്‍ഗ്രസ് കമ്മിറ്റി തെരഞ്ഞെടുപ്പ് കമ്മിഷന് സമര്‍പ്പിച്ചത്. ഇതില്‍ റഫാല്‍ പരാമര്‍ശിക്കുന്ന ആറ് പരസ്യങ്ങള്‍ക്ക് സംസ്ഥാനത്തെ ജോയിന്റ് ഇലക്ടറല്‍ ഓഫീസര്‍ അനുമതി നിഷേധിച്ചു . കോടതിയുടെ വിചാരണയിൽ ഇരിക്കുന്ന കാര്യാമാണെന്നു ചൂണ്ടിക്കാട്ടിയാണ് കമ്മിഷന്റ്റെ നടപടി.

റഫാല്‍ ഇടപാടുമായി ബന്ധപ്പെട്ട വിവരങ്ങള്‍ തെരഞ്ഞെടുപ്പ് പ്രചരണ പരസ്യങ്ങളില്‍ ഉപയോഗിക്കാനാവില്ലെന്ന് മധ്യപ്രദേശ് ഇലക്ട്രറല്‍ ഓഫീസര്‍ അറിയിച്ചു . അതിനിടെ കോണ്‍ഗ്രസ് പ്രകടന പത്രിക തട്ടിപ്പെന്ന് നരേന്ദ്ര മോദി ആരോപിച്ചു.

അരുണാചല്‍ പ്രദേശില്‍ റാലിയില്‍ സംസാരിക്കവെയാണ് കോണ്‍ഗ്രസ് പ്രകടന പത്രികയെ നരേന്ദ്ര മോദി കടന്നാക്രമിച്ചത്. 70 വര്‍ഷമായി നല്‍കിയ വാഗ്ദാനങ്ങള്‍ എന്തായെന്നും മോദി പരിഹസിച്ചു.