മോദിയുടെ മറുപടിയില്‍ ഞെട്ടി മമത; പാകിസ്ഥാനിലെ ബാലാകോട്ടില്‍ ഇന്ത്യ നടത്തിയ വ്യോമാക്രമണം പാകിസ്ഥാനിലുള്ളവരെക്കാള്‍ മമത ബാനര്‍ജിയെയാണ് വേദനിപ്പിച്ചതെന്ന് പ്രധാനമന്ത്രി നരേന്ദ്രമോദി
പാകിസ്ഥാനിലെ ബാലാകോട്ടില്‍ ഇന്ത്യ നടത്തിയ വ്യോമാക്രമണം പാകിസ്ഥാനിലുള്ളവരെക്കാള്‍ മമത ബാനര്‍ജിയെയാണ് വേദനിപ്പിച്ചതെന്ന് പ്രധാനമന്ത്രി നരേന്ദ്രമോദി. ബംഗാളില്‍ നടന്ന റാലിയില്‍ പ്രതിപക്ഷസഖ്യത്തെയും ബംഗാള്‍ മുഖ്യമന്ത്രി മമത ബാനര്‍ജിയേയും കടന്നാക്രമിച്ചു കൊണ്ടായിരുന്നു മോദിയുടെ വിമര്‍ശനം. 'നമ്മള്‍ ബാലാകോട്ടില്‍ പ്രത്യാക്രമണം നടത്തി. പക്ഷേ അത് ഇവിടെ ചില ആളുകളെ വളരെ വേദനിപ്പിച്ചു. ഇസ്ലാമാബാദിലെയും റാവല്‍പിണ്ടിയിലെയും ജനങ്ങള്‍ വേദനിച്ചതിലും അധികം ഇത് വേദനിപ്പിച്ചത് കൊല്‍ക്കത്തയിലെ ദീദിയെയാണ്. അവരുടെ അതിര്‍ത്തിക്കുള്ളില്‍ കടന്ന് നമ്മള്‍ അവരെ ആക്രമിച്ചത് ദീദിക്ക് ഒട്ടും ഇഷ്ടപ്പെട്ടിട്ടില്ല. ദീദിക്ക് മാത്രമല്ല, പ്രതിപക്ഷ മഹാസഖ്യത്തിലെ പലരെയും ഇത് വേദനിപ്പിച്ചു. അവര്‍ ഒരുപാട് ബഹളം വച്ചു, അങ്ങനെയവര്‍ പാകിസ്ഥാനിലെ ഹീറോകളായി'.
സൈന്യത്തിന് നേരെ നിരന്തരം ചോദ്യങ്ങളുയര്‍ത്തി അവരുടെ ആത്മവിശ്വാസം തകര്‍ക്കാന്‍ പ്രതിപക്ഷസഖ്യം ശ്രമിക്കുകയാണെന്നും മോദി ആരോപിച്ചു. 'നമ്മുടെ സൈന്യത്തിനെതിരെ ഒരു ഗൂഢാലോചന നടക്കുന്നുണ്ട്. നമ്മുടെ സായുധസേനക്ക് ലഭിക്കുന്ന പ്രത്യേക സംരക്ഷണം റദ്ദാക്കുമെന്നാണ് കോണ്‍ഗ്രസ് തിരഞ്ഞെടുപ്പ് പ്രകടനപത്രികയില്‍ പറയുന്നത്. കശ്മീരില്‍ തീവ്രവാദികളേയും കല്ലേറുകാരെയും നേരിടുന്ന നമ്മുടെ ധീര സൈനികരുടെ കയ്യുകള്‍ ബന്ധിക്കാനാണ് കോണ്‍ഗ്രസിന്റെ ശ്രമം'
' അഫ്‌സ്പ യഥാര്‍ത്ഥത്തില്‍ യഥാര്‍ത്ഥത്തില്‍ സൈനികര്‍ക്ക് അവരുടെ ജോലികള്‍ സ്വാതന്ത്ര്യത്തോടെ നിര്‍വഹിക്കാനുള്ള സ്വാതന്ത്ര്യം നല്‍കുന്നതാണ്. പക്ഷേ നമ്മുടെ സൈനികരില്‍ അവര്‍ക്ക് വിശ്വാസമില്ല. നമ്മുടെ നിയമങ്ങളില്‍ അവര്‍ക്ക് വിശ്വാസമില്ല. അതുകൊണ്ടാണ് അവര്‍ ഇത്തരം പൊള്ളയായ വാഗ്ദാനങ്ങള്‍ നല്‍കുന്നത്. റിമോട്ട് കണ്‍ട്രോളില്‍ പ്രവര്‍ത്തിക്കുന്ന യുപിഎ സര്‍്ക്കാര്‍ നമ്മുടെ ധീരരെ ഒരിക്കലും സ്വതന്ത്രമാക്കില്ലെന്നും' പ്രധാനമന്ത്രി ആരോപിച്ചു.
തെരഞ്ഞെടുപ്പ് പ്രചാരണത്തിനിടെ പശ്ചിമ ബംഗാള്‍ മുഖ്യമന്ത്രി മമത ബാനര്‍ജിയ്‌ക്കെതിരെ വിവാദ പരാമര്‍ശവുമായി പ്രധാനമന്ത്രി നരേന്ദ്ര മോദി. സംസ്ഥാനത്തിന്റെ വികസനത്തില്‍ മമത ബാനാര്‍ജി സ്പീഡ് ബ്രേക്കറാണെന്ന് മോദി പറഞ്ഞു. പശ്ചിമ ബംഗാളിലെ സിലിഗുരിയില്‍ തെരഞ്ഞെടുപ്പ് റാലിയില്‍ സംസാരിക്കവേയാണ് മമത ബാനര്‍ജിയ്‌ക്കെതിരെ മോദിയുടെ പരാമര്‍ശം.
മറ്റ് സംസ്ഥാനങ്ങളിലേത് പോലെ പശ്ചിമ ബം?ഗാളില്‍ വികസനം പെട്ടെന്ന് സാധ്യമാക്കാനാകില്ല. കാരണം അവിടെയൊരു സ്പീഡ് ബ്രേക്കറുണ്ട്. അവരുടെ പേരാണ് ദീദി. അവര്‍ക്ക് സംസ്ഥാനത്തെ ?ദാരിദ്രം മാറ്റണമെന്നൊന്നുമില്ല. ദാരിദ്രം ഇല്ലാതായാല്‍ അവരുടെ പദ്ധതികളൊന്നും നടക്കില്ല. അവരൊരിക്കലും ദാരിദ്രം ഇല്ലാതാക്കാന്‍ ശ്രമിക്കില്ല. അതുകൊണ്ടാണ് അവര്‍ പാവപ്പെട്ടവര്‍ക്കായുള്ള വികസന പദ്ധതികള്‍ നിര്‍ത്തിവയ്ക്കുന്നതെന്നും മോദി ആരോപിച്ചു.
കേന്ദ്ര സര്‍ക്കാരിന്റെ ആയുഷ്മാന്‍ ഭാരത് പദ്ധതിയെ തള്ളിയ മമത ബാനര്‍ജിയുടെ നിലപാടിനെതിരേയും മോദി വിമര്‍ശിച്ചു. കേന്ദ്രസര്‍ക്കാരിന്റെ പദ്ധതികള്‍ അവസാനിപ്പിക്കുന്നതിനുള്ള മമതാ ബാനര്‍ജിയുടെ പട്ടിക നീണ്ടതാണ്. പാവപ്പെട്ടവര്‍ക്ക് അഞ്ച് ലക്ഷം രൂപവരെ ചികിത്സ സഹായം ലഭിക്കുന്ന ആയുഷ്മാന്‍ ഭാരത് പദ്ധതി വരെ ബം?ഗാളില്‍ മമത ബാനര്‍ജി തടഞ്ഞു അവര്‍ പാവപ്പെട്ടവര്‍ക്കായി എന്താണ് ചെയ്തതെന്നും മോദി ചോദിച്ചു. 70 ലക്ഷം കര്‍ഷകര്‍ക്കുള്ള വികസന പദ്ധതികളാണ് അവര്‍ നിര്‍ത്തി വച്ചത്. ജനങ്ങളുടെ പണം കൊള്ളയടിക്കുന്ന കെട്ടിട നിര്‍മാണ കമ്പനികളുടെ നടപടി തടയുന്ന റെറ പദ്ധതിവരെ മമത ബാനാര്‍ജി നിര്‍ത്തി വച്ചതായി മോദി പറഞ്ഞു.
https://www.facebook.com/Malayalivartha
