പ്രതിപക്ഷപാര്ട്ടികള് ഒന്നിച്ചത് പ്രധാനമന്ത്രി നരേന്ദ്രമോദിയെ പേടിച്ച് !!; 2014ല് നേടിയതില് കൂടുതല് സീറ്റ് നേടി ബിജെപി അധികാരത്തില് തുടരുമെന്ന് കേന്ദ്രമന്ത്രി നിതിന് ഗഡ്കരി
2014ല് നേടിയതില് കൂടുതല് സീറ്റ് നേടി ബിജെപി അധികാരത്തില് തുടരുമെന്ന് കേന്ദ്ര ഗതാഗതവകുപ്പ് മന്ത്രി നിതിന് ഗഡ്കരി. പ്രധാനമന്ത്രി നരേന്ദ്രമോദിയോടുള്ള ഭയം നിമിത്തം പ്രതിപക്ഷപാര്ട്ടികള് ഒന്നിച്ചിരിയ്ക്കുകയാണെന്നും അദ്ദേഹം പറഞ്ഞു.
ഞാന് എന്റേതായ കാര്യങ്ങളാണ് സംസാരിക്കുന്നത്. ആ വസ്തുതകളില് ഞാന് അടിയുറച്ചു നില്ക്കുകയും ചെയ്യും. ജനങ്ങള്ക്ക് അറിയാം, സര്ക്കാര് അവര്ക്കുവേണ്ടി എന്തെല്ലാം ചെയ്തുവെന്ന്, അതിന്റെ അടിസ്ഥാനത്തിലാണ് ആളുകള് വോട്ടു ചെയ്യുന്നത്, അദ്ദേഹം പറഞ്ഞു.
ശിവസേന ബിജെപി ബന്ധത്തെപ്പറ്റിയും അദ്ദേഹം സംസാരിച്ചു. ഇരു പാര്ട്ടികളും തമ്മിലുള്ള ബന്ധം വളരെ ശക്തമായിതന്നെ മുന്നോട്ടുപോകുന്നെന്നും ഒത്തുചേര്ന്നാണ് ഇരുപാര്ട്ടികളും മുന്നോട്ടു നീങ്ങുന്നതെന്നും അദ്ദേഹം അഭിപ്രായപ്പെട്ടു. മഹാരാഷ്ട്രയില് കഴിഞ്ഞ തവണ ലഭിച്ചതില് കൂടുതല് സീറ്റ് നേടാന് കഴിയുമെന്നും ഗഡ്കരി പറഞ്ഞു.
ഞങ്ങള് ജനങ്ങള്ക്കുവേണ്ടി എന്തുചെയ്തുവോ, അതിനെ അടിസ്ഥാനമാക്കിയാണ് വോട്ട് ചോദിക്കുന്നത്. കോണ്ഗ്രസിന് 50 വര്ഷം കൊണ്ട് ചെയ്യാന് സാധിക്കാത്തത് ബിജെപി 5 വര്ഷംകൊണ്ട് ചെയ്തതായും ഗഡ്കരി പറഞ്ഞു.ദേശീയതയില് അടിയുറച്ച പ്രചാരണമായിരിക്കും ബിജെപി നടത്തുക, രാജ്യത്തിനുവേണ്ടി സമര്പ്പിത മനോഭാവത്തോടെ പ്രവര്ത്തിക്കുക എന്നതാണ് പാര്ട്ടിയുടെ ധര്മ്മമെന്നും അദ്ദേഹം പറഞ്ഞു. ഈ തിരഞ്ഞെടുപ്പില് ബിജെപി ജയിക്കുമെന്നും ഭൂരിപക്ഷം നേടി അധികാരത്തില് തുടരുമെന്നും ഗഡ്കരി പറഞ്ഞു.
അതേസമയം, നിതിന് ഗഡ്കരി മത്സരിക്കുന്ന നാഗ്പൂര് മണ്ഡലത്തില് കനത്ത പോരാട്ടമാണ് നടക്കാന് പോകുന്നത്. നാഗ്പൂര് മണ്ഡലത്തില് ഗഡ്കരിയ്ക്കെതിരായി നാനാ പഠോലെയാണ് മത്സരിക്കുന്നത്. ഈ വിഷയത്തിലും ഗഡ്കരി തന്റെ അഭിപ്രായം തുറന്നു പറഞ്ഞു. നാനാ പഠോലെ കോണ്ഗ്രസില്നിന്നുമാണ് ബിജെപിയില് എത്തിച്ചേര്ന്നത്. തിരിച്ച് കോണ്ഗ്രസിലേയ്ക്ക് മടങ്ങി. അദ്ദേഹം ടാക്സി പോലെയാണെന്നും അദ്ദേഹം പരിഹസിച്ചു. തിരഞ്ഞെടുപ്പില് ഏറെപേര് മത്സരിക്കും, ഒരാള് വിജയിക്കും, അത് സ്വാഭാവികം, അദ്ദേഹം പറഞ്ഞു.
https://www.facebook.com/Malayalivartha