കോൺഗ്രസ്സിനെതിരെ രൂക്ഷവിമർശനവുമായി പ്രധാനമന്ത്രി നരേന്ദ്ര മോദി രംഗത്ത് ; കോൺഗ്രസും അഴിമതിയും വേർപിരിയാത്ത പങ്കാളികൾ
കോണ്ഗ്രസിനെതിരെ രൂക്ഷ വിമര്ശനവുമായി പ്രധാനമന്ത്രി നരേന്ദ്ര മോദി .കോണ്ഗ്രസും അഴിമതിയും പിരിയാത്ത പങ്കാളികള്. അഗസ്റ്റ വെസ്റ്റ്ലാന്റ് ഇടപാടില് കോണ്ഗ്രസ് നേതൃത്വത്തെ കടന്നാക്രമിച്ച് പ്രധാനമന്ത്രി നരേന്ദ്രമോദി രംഗത്ത് . കോണ്ഗ്രസും അഴിമതിയും ‘പിരിയാത്ത സുഹൃത്തുക്കളാണെന്നാണ് പ്രധാനമന്ത്രി ആരോപിച്ചിരിക്കുന്നത് . ഡെറാഡൂണില് തിരഞ്ഞെടുപ്പ് റാലിയെ അഭിസംബോധന ചെയ്ത് സംസാരിക്കവെയാണ് അദ്ദേഹം ആരോപണം ഉന്നയിച്ചിരിക്കുന്നത് .
അഗസ്റ്റ വെസ്ററ്ലാന്റ് അഴിമതിയിലെ ഇടനിലക്കാരനായ ക്രിസ്ത്യന് മിഷേല് ചോദ്യം ചെയ്യലുകാരോട് തുടര്ച്ചയായി ഒരേ കാര്യം തന്നെയാണ് പാടിക്കൊണ്ടിരിക്കുന്നത്. ഒന്ന് എ.പി എന്നും മറ്റൊന്ന് ഫാം എന്നുമാണ്. എ.പി എന്നാല് അഹമ്മദ് പട്ടേല് എന്നും ഫാം എന്നാല് ഫാമിലിയെന്നും.
നിങ്ങള് അഹമ്മദ് പട്ടേലിനെക്കുറിച്ച് കേട്ടിട്ടില്ലേ? ഏത് കുടുംബത്തിന്റെ അടുപ്പക്കാരനാണ് അദ്ദേഹമെന്നും മോദി ആഞ്ഞടിച്ചു . കോണ്ഗ്രസും അഴിമതിയും ഒരിക്കലും പിരിയാത്ത പങ്കാളികളാണ്. അവരുടെ പാര്ട്ടി അധികാരത്തിലുള്ളപ്പോള് അഴിമതി അതിവേഗം കുതിക്കുകയും, വികസനം വെന്റിലേറ്ററിലാവുകയും ചെയ്യുകയാണെന്നും മോദി പറഞ്ഞു.
അഗസ്റ്റ വെസ്റ്റ്ലാന്ഡ് ഹെലിക്കോപ്ടര് ഇടപാട് കേസില് ക്രിസ്റ്റ്യന് മിഷേലിന്റെ ഡയറിയില് രേഖപ്പെടുത്തിയിരിക്കുന്ന പേരുകള് കണ്ടെത്തിയെന്ന് എന്ഫോഴ്സ്മെന്റ് ഡയറക്ടറേറ്റ് വ്യക്തമാക്കിയിരുന്നു.
ഡയറിയില് എപി എന്ന് രേഖപ്പെടുത്തിയിരിക്കുന്നത് അഹമ്മദ് പട്ടേല് എന്നതിന്റെ ചുരുക്കപ്പേര് ആണെന്ന് എന്ഫോഴ്സ്മെന്റ് ഡയറക്ടറേറ്റ് ഡല്ഹി പാട്യാല ഹൗസ് കോടതിയില് നല്കിയ കുറ്റപത്രത്തില് പറഞ്ഞിരുന്നു. ബജറ്റ് ഷീറ്റില് ചുരുക്കപ്പേരില് എഴുതിയ പേരുകളെക്കുറിച്ച് മിഷേല് വെളിപ്പെടുത്തിയെന്നും ഷീറ്റില് ഇടപാട് നടക്കുന്നതിന് കൈക്കൂലി നല്കിയവരുടെ വിവരങ്ങളുണ്ടെന്നും പറയുന്നു.
എപി എന്നാല് അഹമ്മദ് പട്ടേല് ആണെന്നും ഫാം എന്നെഴുതിയിരിക്കുന്നത് ഫാമിലിയുടെ ചുരുക്കെഴുത്താണെന്നും പറയുന്നുണ്ട്. കുറ്റപത്രത്തില് കേസിലെ മറ്റൊരു പ്രതിയായ രാജീവ് സക്സേന യുടെ മൊഴിയിലും എപി എന്നാല് അഹമ്മദ് പട്ടേല് ആണെന്ന് പറയുന്നുണ്ട്.
https://www.facebook.com/Malayalivartha