അദ്വാനി ഞങ്ങൾക്ക് പിതൃതുല്യൻ ; സൂക്ഷിച്ച് സംസാരിക്കണം ; കോൺഗ്രസ് അധ്യക്ഷൻ രാഹുൽ ഗാന്ധിക്കെതിരെ രൂക്ഷ വിമർശനവുമായി വിദേശകാര്യ മന്ത്രി സുഷമ സ്വരാജ്
കോൺഗ്രസ് അധ്യക്ഷൻ രാഹുൽ ഗാന്ധിയെ വിമർശിച്ച് വിദേശകാര്യമന്ത്രി സുഷമാ സ്വരാജ്. വാക്കുകളിൽ ഔചിത്യം പുലർത്തണമെന്ന് രാഹുലിനോട് സുഷമ ആവശ്യപ്പെട്ടു. മുതിർന്ന ബിജെപി നേതാവ് എൽ കെ അദ്വാനിയെ കുറിച്ച് രാഹുൽ നടത്തിയ പരാമർശത്തിന് പിന്നാലെയാണ് കോണ്ഗ്രസ് അധ്യക്ഷനെതിരെ സുഷമ രംഗത്തെത്തിയിരിക്കുന്നത്.
അദ്വാനി തങ്ങൾക്ക് പിതൃതുല്യനാണ്. രാഹുലിന്റെ വാക്കുകൾ വേദനിപ്പിച്ചുവെന്നും ദയവായി വാക്കുകളില് കുറച്ച് ഔചിത്യം പുലര്ത്താന് ശ്രമിക്കൂവെന്നും സുഷമ ട്വിറ്ററിൽ ആവശ്യപ്പെട്ടു.
ബി ജെ പിഹിന്ദുത്വത്തെക്കുറിച്ച് സംസാരിക്കുന്നു. ഹിന്ദുത്വത്തിൽ ഗുരുവാണ് പരമം . ഗുരുശിഷ്യ പാരമ്പര്യത്തെ കുറിച്ചു പറയുമ്പോൾ ആരാണ് മോദിയുടെ ഗുരു? അദ്വാനി. മോദി അദ്വാനിയെ പുറത്താക്കി എന്നായിരുന്നു രാഹുലിന്റെ വാക്കുകൾ . പൊതുസമ്മേളനത്തിൽ സംസാരിക്കവെയായിരുന്നു മോദിയെ വിമർശിക്കുന്നതിന്റെ ഭാഗമായി രാഹുൽ ഈ പരാമർശം നടത്തിയത്. ഇതിനു പിന്നാലെയാണ് സുഷമയുടെ പ്രതികരണം.
https://www.facebook.com/Malayalivartha