ത​മി​ഴ്നാ​ട്ടി​ൽ ര​ണ്ടു ദി​വ​സം മുൻപ് കാ​ണാ​താ​യ പെ​ണ്‍​കു​ട്ടി​യെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ സംഭവത്തിലെ പോസ്റ്റ്മോര്‍ട്ടം റിപ്പോര്‍ട്ടിലെ വിവരങ്ങള്‍ പുറത്ത് . തമിഴ് നാട്ടിലെ പൊള്ളാച്ചിയിലാണ് സംഭവം അരങ്ങേറിയത് . കോയമ്പത്തൂർ സി​റ്റി കോ​ളേ​ജ് ബി​എ​സ്‌​സി ര​ണ്ടാം വ​ര്‍​ഷ വി​ദ്യാ​ര്‍​ഥിയായ പ്രഗതിയെന്ന 19കാരിയെയാണ് കൊ​ല്ല​പ്പെ​ട്ട ​നി​ല​യി​ല്‍ ക​ണ്ടെ​ത്തി​യ​ത്. ലൈംഗികമായി പെണ്‍കുട്ടി പീഡിപ്പിക്കപ്പെടുകയും കഴുത്തില്‍ അടക്കം ശരീരത്തിലെ മൂന്ന് ഇടങ്ങളില്‍ ആഴത്തില്‍ കത്തിക്കുത്ത് ഏറ്റിട്ടുണ്ടെന്നുമാണ് റിപ്പോർട്ട് .

പൊള്ളാച്ചിക്ക് സമീപം പൂജരാട്ടി ഗ്രാമത്തിലെ നദിക്കരയില്‍ ഞായറാഴ്ച രാവിലെയാണ് മൃതദേഹം കണ്ടെത്തിയത്. കണ്ടെത്തുമ്പോൾ മൃതദേഹം അര്‍ദ്ധനഗ്നമായിരുന്നു. കൂട്ടബലാത്സംഗം ആണോ എന്ന സംശയം പൊലീസ് പങ്കുവച്ചു എന്നാണ് തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നത്.

ദി​ണ്ടി​ഗ​ല്‍ സ്വ​ദേ​ശി​യാ​യ പെണ്‍കുട്ടി ര​ണ്ടു ദി​വ​സം മുൻപ് വീ​ട്ടി​ലേ​ക്ക് പോ​യ​താ​യി​രു​ന്നു. പെൺകുട്ടി ​ പോയതിന് പിന്നാലെ രാത്രി സുഹൃത്തുക്കള്‍ ഫോണില്‍ ബന്ധപ്പെട്ടെങ്കിലും ഫോണ്‍ സ്വിച്ച്‌ ഓഫായിരുന്നു. തുടര്‍ന്ന് വിദ്യാര്‍ത്ഥികളുടെ പരാതിയില്‍ കാട്ടൂര്‍ പൊലീസ് കേസ് അന്വേഷിച്ച്‌ വരുകയായിരുന്നു. സംഭവത്തിൽ
പൊലീസ് സമീപവാസികളെ ചോദ്യം ചെയ്തുവരുകയാണ്. സിസിടിവി ദൃശ്യങ്ങള്‍ പരിശോധിച്ചുള്ള അന്വേഷണമാണ് പൊലീസ് മുന്നോട്ട് കൊണ്ടുപോകുന്നത്. അതേ സമയം പോസ്റ്റ്മോര്‍ട്ടത്തിന് ശേഷം മൃതദേഹം മാതാപിതാക്കള്‍ക്ക് വിട്ടുകൊടുത്തു.

വ​രു​ന്ന ജൂ​ണ്‍ 13 ന് ​പ്ര​ഗ​തി​യു​ടെ വി​വാ​ഹം നി​ശ്ച​യി​ച്ചി​രു​ന്നു. മൃ​ത​ദേ​ഹം ന​ദി​യ​രി​കി​ല്‍ ക​ണ്ട​തി​നെ തു​ട​ര്‍​ന്ന് വ​ഴി​യാ​ത്ര​ക്കാ​രാ​ണ് പോ​ലീ​സി​ല്‍ വി​വ​രം അ​റി​യി​ച്ച​ത്.