ഡല്ഹിയിലെ ഗുഡ്ഗാവില് ഇറച്ചിക്കട ബലമായി അടപ്പിച്ച രണ്ട് ഹിന്ദു സേന പ്രവര്ത്തകര് അറസ്റ്റില്
ഡല്ഹിയിലെ ഗുഡ്ഗാവില് ഇറച്ചിക്കട ബലമായി അടപ്പിച്ച രണ്ട് ഹിന്ദു സേന പ്രവര്ത്തകര് അറസ്റ്റില്. ഇന്നലെ നവരാത്രി ഉത്സവത്തോടനുബന്ധിച്ചാണ് ഹിന്ദു സേന പ്രവര്ത്തകര് മാംസവ്യാപാര സ്ഥാപനങ്ങള്ക്കു നേരെ തിരിഞ്ഞത്. ഹിന്ദുസേന പ്രവര്ത്തകരായ രാകേഷ്, പ്രമോദ് എന്നിവരാണ് സംഭവുമായി ബന്ധപ്പെട്ട് അറസ്റ്റിലായത്. ഇവര് മാംസ വ്യാപാരിയെ ഭീഷണിപ്പെടുത്തുകയും ബലമായി കടയുടെ ഷട്ടര് അടയ്ക്കുകയുമായിരുന്നു.
ഹിന്ദുസേനയുടെ നാല്പതോളം പ്രവര്ത്തകരാണ് ഇറച്ചിക്കട അടപ്പിക്കാന് എത്തിയത്. കട അടച്ചില്ലെങ്കില് ഇതിന്റെ പ്രത്യാഘാതം അനുഭവിക്കേണ്ടിവരുമെന്ന് കടയുടമയെ ഇവര് ഭീഷണിപ്പെടുത്തി. വടി, ഹോക്കിസ്റ്റിക്, വടിവാള്, ഇരുമ്പ് ദണ്ഡ് എന്നിവയുമായാണ് ഹിന്ദുസേന പ്രവര്ത്തകര് മാര്ച്ച് നടത്തിയത്.
കഴിഞ്ഞ ദിവസം ഇരുനൂറോളം ഹിന്ദുസേന പ്രവര്ത്തകര് ഗുഡ്ഗാവിന്റെ വിവിധ ഭാഗങ്ങളില് മാര്ച്ച് നടത്തിയിരുന്നു. ഇവിടങ്ങളിലെ 250 ഇറച്ചിക്കടകള് ഇവര് അടപ്പിച്ചു.
Lhttps://www.facebook.com/Malayalivartha