അധ്യക്ഷന്‍ രാഹുല്‍ ഗാന്ധിയും ജനറല്‍ സെക്രട്ടറി പ്രിയങ്ക ഗാന്ധിയും ഇന്ന് ഉത്തര്‍ പ്രദേശില്‍ വിവിധ തെരഞ്ഞെടുപ്പ് റാലികളിലും യോഗങ്ങളിലും പങ്കെടുക്കും. പ്രിയങ്ക കോണ്‍ഗ്രസ് ജനറല്‍ സെക്രട്ടറി സ്ഥാനം ഏറ്റെടുത്തതിന് ശേഷം ഇരുവരും ഒരുമിച്ച് ഉത്തര്‍ പ്രദേശില്‍ നടത്തുന്ന ആദ്യ തെരഞ്ഞെടുപ്പ് പര്യടനമാണിത്. കിഴക്കന്‍ ഉത്തര്‍ പ്രദേശിന്റെ ചുമതലയുള്ള മറ്റൊരു ജനറല്‍ സെക്രട്ടറിയായ ജ്യോതിരാദിത്യ സിന്ധ്യയും രാഹുലിനും പ്രിയങ്കയ്ക്കും ഒപ്പമുണ്ടാകും.
ബിജെപിയുടെ സിറ്റിംഗ് സീറ്റായ സഹാറന്‍പൂരിലാണ് ഇവരുടെ ആദ്യ പര്യടനം. സഹാരന്‍പൂരിലെ പരിപാടിയ്ക്ക് ശേഷം ഇരുവരും ഷാമ്!!ലിയിലെയും ബിജ്‌നോറിലെയും തെരഞ്ഞെടുപ്പ് റാലികളിലും പങ്കെടുക്കും. രാഹുലും പ്രിയങ്കയും എത്തും. പ്രധാനമന്ത്രി നരേന്ദ്രമോദിക്കെതിരെ നടത്തിയ പരാമര്‍ശങ്ങള്‍ നടത്തിയതിന് നിയമനടപടി നേരിട്ട ഇമ്രാന്‍ മസൂദാണ് സഹാറന്‍പൂറിലെ കോണ്‍ഗ്രസ് സ്ഥാനാര്‍ത്ഥി. ബിജെപി സ്ഥാനാര്‍ത്ഥി സിറ്റിംഗ് എംപിയായ രാഘവ് ലഖന്‍ പാല്‍ ആണ്. ന്യൂനപക്ഷ വോട്ടുകള്‍ ഏറെ സ്വാധീനം ചെലുത്തുന്ന മണ്ഡലത്തില്‍ വിജയം തന്നെ ലക്ഷ്യമിട്ടാണ് കോണ്‍ഗ്രസ് ഇറങ്ങുന്നത്. ബിഎസ്!പിയില്‍ നിന്നും കോണ്‍ഗ്രസിലെത്തിയ നസീമുദ്ദീന്‍ സിദ്ദിഖിയാണ് ഷാംലി മണ്ഡലത്തിലെ കോണ്‍ഗ്രസ് സ്ഥാനാര്‍ത്ഥി.