രാഹുലും പ്രിയങ്കയും കളത്തില് ; രാജ്യത്തെ പൊതുതെരഞ്ഞെടുപ്പിന് ആരംഭം കുറിക്കാന് ഇനി നാല് ദിവസം മാത്രം ശേഷിക്കെ ഒന്നാം ഘട്ട തെരഞ്ഞെടുപ്പ് നടക്കുന്ന സംസ്ഥാനങ്ങളില് പ്രചാരണം കൊഴുപ്പിക്കാനൊരുങ്ങി കോണ്ഗ്രസ്
ഇനി തെരെഞ്ഞെടു പ്രചരണത്തിന് ചൂടേറും. രാജ്യത്തെ പൊതുതെരഞ്ഞെടുപ്പിന് ആരംഭം കുറിക്കാന് ഇനി നാല് ദിവസം മാത്രം ശേഷിക്കെ ഒന്നാം ഘട്ട തെരഞ്ഞെടുപ്പ് നടക്കുന്ന സംസ്ഥാനങ്ങളില് പ്രചാരണം കൊഴുപ്പിക്കാനൊരുങ്ങുകയാണ് കോണ്ഗ്രസ് ഇതിന്റെ ഭാഗമായി രാഹുലും പ്രിയങ്കയും സജീവ പ്രചരണത്തിന് ഇറങ്ങുകയാണ്.
കോണ്ഗ്രസ് സ്ഥാനാര്ത്ഥികള്ക്കായി പ്രിയങ്കയും രാഹുലും വിവിധയിടങ്ങളില് പ്രചാരണത്തിനിറങ്ങും. ബിജെപിക്കെതിരായ പ്രതിപക്ഷ ഐക്യത്തിന്റെ പരീക്ഷണ ഭൂമിയായ ഉത്തര് പ്രദേശില് എസ്പി-ബിഎസ്പി സഖ്യത്തിന്റെ തെരഞ്ഞെടുപ്പ് റാലികളും ഇന്നു തുടങ്ങുകയാണ്. സഹാരന്പൂര് മണ്ഡലത്തിന്റെ ഭാഗമായ ദിയൂബന്ദിലെ റാലിയില് മായാവതിയും അഖിലേഷ് യാദവും പങ്കെടുക്കും. ആര്എല്ഡി അധ്യക്ഷന് അജിത് സിങ്ങും റാലിയില് പങ്കെടുക്കും. ബിഎസ്പിയുടെ ഹാജി ഫസ്ലു റഹ്മാനാണ് അവിടെ സ്ഥാനാര്ഥി.
പതിനൊന്ന് സംയുക്ത റാലികളാണ് ഉത്തര് പ്രദേശില് സഖ്യം നടത്തുന്നത്. മെയ് 16 ന് നരേന്ദ്ര മോദിയുടെ മണ്ഡലമായ വാരാണസിയിലാണ് സംയുക്ത റാലികളുടെ സമാപനം. എസ്പി 37 സീറ്റുകളിലും ബിഎസ്പി 38 സീറ്റുകളിലും ആര്എല്ഡി മൂന്നു സീറ്റുകളിലുമാണ് ഉത്തര് പ്രദേശില് മത്സരിക്കുന്നത്. രാഹുല് ഗാന്ധിയും സോണിയ ഗാന്ധിയും മത്സരിക്കുന്ന അമേഠിയിലും റായ്ബറേലിയിലും സംയുക്ത സഖ്യം സ്ഥാനാര്ഥികളെ നിര്ത്തിയിട്ടില്ല
പ്രധാനമന്ത്രി നരേന്ദ്രമോദി ഇന്ന് മൂന്ന് സംസ്ഥാനങ്ങളില് പ്രചാരണം നടത്താനായി എത്തും. ഉത്തര്പ്രദേശില് എസ്.പി-ബിഎസ്പി സഖ്യത്തിന്റെ തെരഞ്ഞെടുപ്പ് റാലികള്ക്കും ഇന്നു തുടക്കമാവും. ബംഗാള് ,ത്രിപുര,മണിപ്പൂര് എന്നീ മൂന്ന് സംസ്ഥാനങ്ങളിലാണ് ഒന്നാം ഘട്ട തെരഞ്ഞെടുപ്പിന്റെ ഭാഗമായി മോദി പ്രചാരണം നടത്തുക. ബംഗാളില് ഭരണകക്ഷിയായ തൃണമൂലിന് കടുത്ത വെല്ലുവിളി ഉയര്ത്തുകയാണ് ബിജെപി. പ്രധാനമന്ത്രി നേരിട്ട് എത്തിപ്രചാരണം നയിക്കുന്നതോടെ സംസ്ഥാനത്ത് കൂടുതല് നേട്ടമുണ്ടാക്കാന് സാധിക്കും എന്ന പ്രതീക്ഷയിലാണ് ബിജെപി. പാര്ട്ടി ദേശീയ അധ്യക്ഷന് അമിത് ഷാ ഒഡീഷയിലും മഹാരാഷ്ട്രയിലും തെരഞ്ഞെടുപ്പ്റാലികള്ക്കെത്തും.
അതേസമയം വയനാട്ടില് രാഹുല് ഗാന്ധി മത്സരിക്കുന്നത് ദക്ഷിണേന്ത്യയില് വന് മുന്നേറ്റം നല്കും. കോണ്ഗ്രസ് അധ്യക്ഷന് രാഹുല് ഗാന്ധി വയനാട് മണ്ഡലത്തില് മല്സരിക്കുമെന്ന് പ്രഖ്യാപിച്ചതിനെ വിമര്ശിച്ചവര് ഏറെയാണ്. ഇതില് മുന്നിരയിലുണ്ടായിരുന്നു അമേഠി മണ്ഡലത്തില് രാഹുലിന്റെ എതിരാളിയായ ബിജെപി സ്ഥാനാര്ഥി സ്മൃതി ഇറാനി. രാഹുല് ഗാന്ധി പേടിച്ച് ഓടിപ്പോയി എന്നായിരുന്നു സ്മൃതിയുടെ പ്രതികരണം.
എന്നാല്, രാഹുല് ഗാന്ധിയുടെ രണ്ടാം മണ്ഡല തീരുമാനം കോണ്ഗ്രസിന് ഗുണം ചെയ്യുമെന്ന് പുതിയ സര്വ്വെകളും വ്യക്തമാക്കുന്നുണ്ട്. വയനാട് മണ്ഡലത്തില് രാഹുല് ഗാന്ധി സ്ഥാനാര്ഥിയായതോടെ ദക്ഷിണേന്ത്യയില് മൊത്തം ചിത്രം മാറുന്നുവെന്നാണ് ഇന്ത്യ ടുഡെക്ക് വേണ്ടി ആക്സിസ്-മൈ ഇന്ത്യ നടത്തിയ സര്വ്വെയില് വ്യക്തമാക്കുന്നതുതന്നെ.
രാഹുല് ഗാന്ധി വയനാട് സ്ഥാനാര്ഥിത്വം പ്രഖ്യാപിച്ചത് കൃത്യമായ കണക്കുകൂട്ടലിന് ശേഷമാണെന്നാണ് സര്വ്വെയില് വ്യക്തമാകുന്നത്. ദക്ഷിണേന്ത്യയില് നരേന്ദ്ര മോദിയേക്കാള് രാഹുല് ഗാന്ധിയുടെ ജനപ്രീതി വര്ധിച്ചുവെന്ന് പുതിയ സര്വ്വെ പറയുന്നുണ്ട്. ഇത് കോണ്ഗ്രസിന് വളരെ പ്രതീക്ഷ നല്കുന്നതാണ്.
https://www.facebook.com/Malayalivartha