'റോഡ് ഷോ നടത്താന് രാഹുലിന് സമയമുണ്ട് ജനങ്ങള്ക്കായി ചെലവഴിക്കാന് അദ്ദേഹത്തിന് സമയമില്ല'; രാഹുല് ഗാന്ധിക്കെതിരെ വിമര്ശനവുമായി കേന്ദ്രമന്ത്രി സ്മൃതി ഇറാനി
കോണ്ഗ്രസ് അധ്യക്ഷന് രാഹുല് ഗാന്ധിക്കെതിരെ വിമര്ശനവുമായി കേന്ദ്രമന്ത്രി സ്മൃതി ഇറാനി രംഗത്ത്. റോഡ് ഷോ നടത്താന് രാഹുല് ഗാന്ധിക്ക് സമയമുണ്ട്. എന്നാല് ജനങ്ങള്ക്കായി ചെലവഴിക്കാന് അദ്ദേഹത്തിന് സമയമില്ലെന്ന് സ്മൃതി ഇറാനി കുറ്റപ്പെടുത്തി. അമേത്തിയിലെ ജനങ്ങളോട് രാഹുലിന് ബഹുമാനമില്ലെന്നും അവര് പറഞ്ഞു.
ലോക്സഭയിലേക്ക് രാഹുലും സ്മൃതിയും അമേത്തിയില്നിന്നാണ് ജനവിധി തേടുന്നത്. രാഹുല് ഇന്ന് അമേത്തിയില് പത്രിക സമര്പ്പിച്ചിരുന്നു. പത്രിക സമര്പ്പിക്കുന്നതിനു മുന്നോടിയായി അമേത്തിയുടെ ഭരണകേന്ദ്രമായ ഗൗരിഗഞ്ചില് രാഹുല് റോഡ് ഷോ നടത്തിയിരുന്നു. സ്മൃതി ഇറാനിയാണ് തുടര്ച്ചയായ രണ്ടാം തവണയും രാഹുലിനെതിരേ മത്സരിക്കുന്നത്. ഇവര് വ്യാഴാഴ്ച നാമനിര്ദേശ പത്രിക സമര്പ്പിക്കുമെന്നാണു റിപ്പോര്ട്ടുകള്.
https://www.facebook.com/Malayalivartha