പ​ശ്ചി​മ ബം​ഗാ​ളി​ലെ ബൊ​ങ്കോ​ണ്‍ ലോ​ക്‌​സ​ഭാ മ​ണ്ഡ​ല​ത്തി​ലെ ബി​ജെ​പി സ്ഥാ​നാ​ർ​ത്ഥി​ ശന്തനു താക്കൂറിന് റോഡപകടത്തിൽ പരിക്കേറ്റു. അഞ്ചാംഘട്ട വോട്ടെടുപ്പിന് മണിക്കൂറുകള്‍ ബാക്കി നില്‍ക്കെവെയാണ് സ്ഥാനാർഥിയും മ​ത്തു​വ സ​മു​ദാ​യ​ത്തി​ന്‍റെ നേ​താ​വുമായ ശന്തനു താക്കൂറിന് പരിക്കേറ്റത്.

തിരഞ്ഞെടുപ്പ് റാലിയില്‍ പങ്കെടുക്കാന്‍ കല്യാണിയിലേക്ക് പോകുകയായിരുന്ന ശന്തനുവിന്റെ വാഹനത്തിലേക്ക് പോലീസ് വാഹനം ഇടിച്ചുകയറുകയായിരുന്നു. നാദിയ ജില്ലയിലെ ഹന്‍സ്ഖലിയില്‍ വച്ചാണ് അപകടമുണ്ടായത്. മതുവ സമുദായത്തിന്റെ നേതാവായിരുന്ന ബിനാപാണി ദേവിയുടെ ചെറുമകനാണ് അപകടത്തില്‍പ്പെട്ട ശന്തനു. സംഭവത്തിനു പിന്നാലെ പോലീസ് വാഹനം ബി.ജെ.പി പ്രവര്‍ത്തകര്‍ തകര്‍ത്തു. എന്നാൽ ഇതുമായി ബന്ധപ്പെട്ട് ഇതുവരെ ആര്‍ക്കെതിരെയും കേസെടുത്തിട്ടില്ല. എന്നാൽ ഡ്രൈ​വ​റെ പോ​ലീ​സ് ക​സ്റ്റ​ഡി​യി​ലെ​ടുത്തിട്ടുണ്ട്.

അ​പ​ക​ട​ത്തി​ൽ താ​ക്കൂ​റി​ന്‍റെ ത​ല​യ്ക്കാ​ണ് പ​രി​ക്കേ​റ്റ​ത്. ഇയാളെ ബംഗാവു സബ് ഡിവിഷണല്‍ ആശുപത്രിയില്‍ പ്രവേശിപ്പിച്ചു. ബി​ജെ​പി സ്ഥാ​നാ​ർ​ഥി​ക്ക് പു​റ​മെ കാ​റി​ലു​ണ്ടാ​യി​രു​ന്ന മ​റ്റു ര​ണ്ടു​പേ​ര്‍​ക്കു​കൂ​ടി പ​രി​ക്കേ​റ്റി​ട്ടു​ണ്ട്. ഇവരെയും ആശുപത്രിയിലെത്തിച്ചിട്ടുണ്ട്.

അതേസമയം അപകടത്തിന് പിന്നില്‍ തൃണമുല്‍ കോണ്‍ഗ്രസിന്റെ ഗൂഢാലോചനയുണ്ടെന്ന് സ്ഥാനാര്‍ത്ഥിയുടെ അമ്മ ചാബിറാണി താക്കൂര്‍ ആരോപിച്ചു. ശന്തനുവിന്റെ വഴിയരുകില്‍ നിര്‍ത്തിയിട്ടിരുന്ന കാറിലേക്ക് പോലീസ് ജീപ്പ് ബോധപൂര്‍വം ഇടിപ്പിക്കുകയായിരുന്നെന്നും ചാബിറാണി താക്കൂര്‍ ആരോപിച്ചു.

ക​സ്റ്റ​ഡി​യി​ലെ​ടു​ത്ത കാ​ർ ഡ്രൈ​വ​റെ ഗൈ​ഘ​ട്ട പോ​ലീ​സ് സ്‌​റ്റേ​ഷ​നി​ൽ ചോ​ദ്യം ചെ​യ്തു വ​രി​ക​യാ​ണ്. അ​പ​ക​ട​മു​ണ്ടാ​ക്കി​യ കാ​ര്‍ ബം​ഗാ​ള്‍ പോ​ലീ​സി​ന്‍റെ ഉ​ട​മ​സ്ഥ​ത​യി​ലു​ള്ള​ത​ല്ലെ​ന്നാ​ണ് റി​പ്പോ​ർ​ട്ട്. ഡ്രൈ​വ​റെ ചോ​ദ്യം ചെ​യ്യാ​നാ​യി എ​ത്തി​ച്ച​പ്പോ​ൾ ബി​ജെ​പി പ്ര​വ​ര്‍​ത്ത​ക​ര്‍ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​രു​ന്നു.