പോളിങ് ഏജന്റ്, വോട്ട് ചെയ്യാനെത്തിയ സ്ത്രീകളെ സ്വാധീനിക്കാന്‍ ശ്രമിച്ചതായി വീട്ടമ്മയുടെ വെളിപ്പെടുത്തലില്‍ അറസ്റ്റും റീ പോളിങ്ങും.

ഫരീദാബാദിലെ പോളിംഗ് ബൂത്തില്‍ നിന്നുള്ള വിഡിയോ സമൂഹമാധ്യമങ്ങളില്‍ പ്രചരിച്ചതോടെയാണ് പോളിംഗ് ഏജന്റിനെ പൊലീസ് അറസ്റ്റ് ചെയ്തത്.

വോട്ടിംഗ് മെഷീന് സമീപത്തെത്തി താമരയ്ക്ക് കുത്താന്‍ അയാള്‍ പറഞ്ഞതായാണ് വീട്ടമ്മയുടെ വെളിപ്പെടുത്തല്‍.

ഫരീദാബാദിലെ പോളിങ് സ്റ്റേഷനില്‍ വോട്ട് ചെയ്യാനെത്തിയ ശോഭയാണ് ഈ ഞെട്ടിക്കുന്ന വെളിപ്പെടുത്തല്‍ നടത്തിയത്.

ബിജെപിക്ക് വേണ്ടി വോട്ട് ചെയ്യാന്‍ പോളിങ് ഏജന്റ് പറയുന്നത് വിഡിയോയില്‍ വ്യക്തമാണ്. ബിജെപി സ്ഥാനാര്‍ത്ഥിയുടെ പേരിനു നേരെയുള്ള താമര ചിഹ്നത്തില്‍ കുത്താന്‍ അയാള്‍ നിര്‍ബന്ധിച്ചു.

എന്നാല്‍ വോട്ട് ആര്‍ക്ക് ചെയ്യണമെന്ന് എന്റെ തീരുമാനമാണെന്ന് അയാളോട് പറഞ്ഞതായും ശോഭ വെളിപ്പെടുത്തി.