ഉദ്ഘാടനത്തിന് ഒരു ദിവസം മുമ്പ് രാജസ്ഥാനിലെ പച്ച്പദ്ര റിഫൈനറിയിൽ തീപിടിത്തമുണ്ടായി. പ്രധാനമന്ത്രി നരേന്ദ്രമോദിയാണ് റിഫൈനറി ഉദ്ഘാടനം ചെയ്യാനിരുന്നത്.

തീപിടിത്തത്തെ തുടർന്ന് കറുത്ത പുക അന്തരീക്ഷത്തിലാകെ വ്യാപിച്ചതായാണ് സൂചന. ഉദ്ഘാടനത്തിന് ഒരുദിവസം മാത്രം ബാക്കി നിൽക്കെ തീപിടിത്തമുണ്ടായത് അധികൃതരെ വളരെ ആശങ്കയിലാക്കി.

ബലോത്രയിലെ പച്ച്പദ്രയിലുള്ള ഇന്ത്യയിലെ ആദ്യത്തെ ഗ്രീൻഫീൽഡ് ഇൻ്റർ ഗ്രേറ്റഡ് റിഫൈനറി-കം-പെട്രോകെമിക്കൽ കോംപ്ലക്സായ റിഫൈനറി, ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡും (HPCL) രാജസ്ഥാൻ സർക്കാരും തമ്മിലുള്ള സംയുക്ത സംരംഭമാണ്. ഇറക്കുമതിയെ ആശ്രയിക്കുന്നത് കുറയ്ക്കുന്നതിലൂടെയും ആഭ്യന്തര ഉൽപാദന ശേഷി വർധിപ്പിക്കുന്നതിലൂടെയും ഇന്ത്യയുടെ ഊർജ സുരക്ഷ ശക്തിപ്പെടുത്തുന്നതിൽ ഇത് നിർണായക പങ്ക് വഹിക്കുമെന്നാണ് പ്രതീക്ഷിക്കുന്നത്.