വെള്ളം ലാഭിക്കാന് 150 പെണ്കുട്ടികളുടെ മുടി ഹോസ്റ്റല് അധികൃതര് മുറിച്ചു...
വെള്ളം ലാഭിക്കാന് 150 പെണ്കുട്ടികളുടെ മുടി ഹോസ്റ്റല് അധികൃതര് മുറിച്ചുകളഞ്ഞ സംഭവം ഒച്ചപ്പാടുണ്ടാക്കിയിരിക്കുകയാണ് . തെലങ്കാനയിലെ ആദിവാസി മേഖലയായ മേദകില് പ്രവര്ത്തിക്കുന്ന ഗുരുകുലം സ്കൂളിലാണ് സംഭവം നടന്നത് .
സ്കൂള് പ്രിന്സിപ്പല് കെ അരുണയാണ് സംഭവത്തില് പ്രതിക്കൂട്ടിലായിരിക്കുന്നത്. കുട്ടികളുടെ രക്ഷിതാക്കള് വിവരമറിഞ്ഞതോടെ പ്രതിഷേധവുമായി എത്തി.
ഹോസ്റ്റലിലെ അന്തേവാസികളായ എല്ലാ പെണ്കുട്ടികളുടെയും മുടി മുറിച്ചുകളഞ്ഞിട്ടുണ്ട്. പ്രിന്സിപ്പല് നേരിട്ട് രണ്ട് ബാര്ബര്മാരെ വിളിച്ചുവരുത്തി എല്ലാവരുടെയും മുടി പറ്റെ വെട്ടിക്കുകയായിരുന്നു. പെണ്കുട്ടികളോട് ഇതിന് 25 രൂപ വീതം വാങ്ങുകയും ചെയ്തു.
രക്ഷിതാക്കള് പ്രതിഷേധവുമായി സ്കൂളിന് മുന്നില് എത്തിയതോടെ പ്രിന്സിപ്പല് വെട്ടിലായി. വെള്ളം ലാഭിക്കാനും കുട്ടികളുടെ ശുചിത്വം ഉറപ്പാക്കാനും വേണ്ടിയാണ് മുടി മുറിച്ചതെന്നാണ് പ്രിന്സിപ്പല് പറയുന്നത്. എല്ലാവരുടെയും അനുമതി വാങ്ങിയിരുന്നതായും പ്രിന്സിപ്പല് പറയുന്നു. സംഭവത്തില് ജില്ലാ ഭരണകൂടവും സാമൂഹികക്ഷേമ വകുപ്പും അന്വേഷണം പ്രഖ്യാപിച്ചിട്ടുണ്ട്.
https://www.facebook.com/Malayalivartha
