മോഡിയെ പുകഴ്ത്തി ട്രംപ്... സത്യത്തില് അദ്ദേഹത്തിന്റെ ഇംഗ്ലീഷ് മികച്ചതാണ്, വേണ്ടെന്നു വച്ചിട്ടാണ് അദ്ദേഹം ഇംഗ്ലീഷില് സംസാരിക്കാത്തത്
ജി 7 ഉച്ചകോടിക്കിടെ ട്രംപുമായുള്ള കൂടിക്കാഴ്ചയെക്കുറിച്ച് മാധ്യമങ്ങളോട് സംസാരിക്കുമ്പോള് ഹിന്ദിയിലാണ് പ്രധാനമന്ത്രി നരേന്ദ്ര മോഡി സംസാരിച്ചത്. എന്നാല് മോഡിയുടെ ഭാഷയെ കുറിച്ച് മാധ്യമപ്രവര്ത്തകര്ക്കിടയില് നിന്നും ചോദ്യം ഉയര്ന്നപ്പോള് ട്രംപ് ഇടപെട്ടു. മോഡിയുടെ ഇംഗ്ലിഷ് മികച്ചതെന്നും അദ്ദേഹം വേണ്ടെന്നുവച്ചിട്ടാണ് ഇംഗ്ലീഷില് സംസാരിക്കാത്തതെന്നും യു.എസ് പ്രസിഡന്റ് ഡൊണാള്ഡ് ട്രംപ് പറഞ്ഞു. എന്നാല് ട്രംപ് മോഡിയെ ട്രോളിയതാണെന്നാണ് സോഷ്യല് മീഡിയയിലെ സംസാരം.
''സത്യത്തില് അദ്ദേഹത്തിന്റെ ഇംഗ്ലീഷ് മികച്ചതാണ്, വേണ്ടെന്നു വച്ചിട്ടാണ് അദ്ദേഹം ഇംഗ്ലീഷില്സംസാരിക്കാത്തത്'' ട്രംപ് പറഞ്ഞു. ട്രംപ് ഇക്കാര്യം പറഞ്ഞതും പിന്നെ ഇരു നേതാക്കളും പൊട്ടിച്ചിരിക്കാന് ആരംഭിച്ചു. ട്രംപിന്റെ കയ്യില് പിടിച്ച് മോഡി ചിരിച്ചുകൊണ്ട് അടിയ്ക്കുന്നതും വീഡിയോയില് കാണാം. മാദ്ധ്യമപ്രവര്ത്തകരും ഇരു നേതാക്കള്ക്കുമൊപ്പം ചിരിക്കുന്നുണ്ട്.
നരേന്ദ്ര മോഡിയുമായി വിവിധ വിഷയങ്ങളെ കുറിച്ച് ചര്ച്ച നടത്തിയതായി ട്രംപ് പറഞ്ഞു. കഴിഞ്ഞ ദിവസം അത്താഴത്തിന് തങ്ങള് ഒന്നിച്ചായിരുന്നു എന്നും വാണിജ്യം അടക്കമുള്ള വിഷയങ്ങളെ പറ്റി ചര്ച്ച ചെയ്തെന്നും ഇന്ത്യയില് നിന്ന് തനിക്ക് ഒരുപാട് കാര്യങ്ങള് പഠിക്കാന് സാധിച്ചെന്നും ട്രംപ് പറഞ്ഞു.
https://www.facebook.com/Malayalivartha