രാഷ്ട്രീയ പ്രവേശന വാര്ത്തകള് നിഷേധിച്ച് സഞ്ജയ് ദത്ത്
രാഷ്ട്രീയ പ്രവേശന വാര്ത്തകള് നിഷേധിച്ച് ബോളിവുഡ് നടന് സഞ്ജയ് ദത്ത്. മഹാരാഷ്ട്രയിലെ ബിജെപി മുന്നണിയുടെ ഭാഗമായ രാഷ്ട്രീയ സമാജ് പ്രകാശ് നേതാവും സംസ്ഥാന മന്ത്രിയുമായ മഹാദേവ് ജാങ്കറാണു ദത്തിന്റെ രാഷ്ട്രീയ പ്രവേശം പ്രഖ്യാപിച്ചത്. സെപ്റ്റംബര് 25ന് ദത്ത് ഔദ്യോഗികമായി പാര്ട്ടിയില് ചേരുമെന്നും ജാങ്കര് പറഞ്ഞിരുന്നു.
എന്നാല് താന് ഇപ്പോള് ഒരു പാര്ട്ടിയിലും ചേരുന്നില്ലെന്നു ദത്ത് എഎന്ഐ വാര്ത്താ ഏജന്സിയോടു പറഞ്ഞു. താന് രാഷ്ട്രീയത്തിലേക്ക് വരുമെന്നു പ്രഖ്യാപിച്ച മഹാദേവ് ജാങ്കര് അടുത്ത സുഹൃത്താണെന്നും അദ്ദേഹത്തിന്റെ ഭാവി ഉദ്യമങ്ങള്ക്ക് ആശംസകള് നേരുന്നെന്നും ദത്ത് കൂട്ടിച്ചേര്ത്തു.
സഞ്ജയ് ദത്തിന്റെ പിതാവ് സുനില് ദത്ത് കോണ്ഗ്രസ് സ്ഥാനാര്ഥിയായി അഞ്ചു തവണ പാര്ലമെന്റില് എത്തിയിട്ടുണ്ട്. ആദ്യ മന്മോഹന് സിംഗ് സര്ക്കാരില് കേന്ദ്രമന്ത്രിയുമായിരുന്നു സുനില് ദത്ത്. സഞ്ജയ് ദത്തിന്റെ സഹോദരിയും മുംബൈയില് നിന്നുള്ള കോണ്ഗ്രസ് എംപിയായിരുന്നു.
https://www.facebook.com/Malayalivartha