ഐഎന്‍എക്‌സ് മീഡിയ സാമ്പത്തിക ക്രമക്കേട് കേസില്‍ മുന്‍ ധനമന്ത്രി പി. ചിദംബരം നല്‍കിയ മുന്‍കൂര്‍ ജാമ്യാപേക്ഷ സുപ്രീംകോടതി തള്ളി... 30 വരെ സിബിഐ കസ്റ്റഡിയില്‍ തുടരും
ഐഎന്‍എക്‌സ് മീഡിയ സാമ്പത്തിക ക്രമക്കേട് കേസില്‍ മുന്‍ ധനമന്ത്രി പി. ചിദംബരം നല്‍കിയ മുന്‍കൂര്‍ ജാമ്യാപേക്ഷ സുപ്രീംകോടതി തള്ളി. നിലവില്‍ സിബിഐ അറസ്റ്റ് നടത്തിയതു ചൂണ്ടിക്കാട്ടിയ ജസ്റ്റീസ് ആര്‍. ഭാനുമതി അധ്യക്ഷയായ ബെഞ്ച്, മുന്‍കൂര്‍ ജാമ്യാപേക്ഷ തള്ളിയ ഡല്‍ഹി ഹൈക്കോടതി വിധിക്കെതിരേയുള്ള അപ്പീല്‍ നിലനില്‍ക്കില്ലെന്നു വ്യക്തമാക്കി. ചിദംബരത്തിന് ജാമ്യാപേക്ഷയുമായി വിചാരണക്കോടതിയെ സമീപിക്കാം. അഞ്ച് ദിവസത്തേക്ക് കൂടി ചിദംബരത്തിന്റെ കസ്റ്റഡി നീട്ടണമെന്ന് സിബിഐക്ക് വേണ്ടി ഹാജരായ സോളിസിറ്റര്‍ ജനറല്‍ തുഷാര്‍ മേത്ത കോടതിയില്‍ ആവശ്യപ്പെട്ടിരുന്നു.
അതേസമയം, ഐഎന്‍എക്‌സ് മീഡിയ ഇടപാടുമായി ബന്ധപ്പെട്ട് സിബിഐയും എന്‍ഫോഴ്‌സമെന്റ് ഡയറക്ടറേറ്റും കേസെടുത്തതിനെതിരേ നല്‍കിയ ഹര്‍ജിയില്‍ വാദം തുടരാന്‍ കോടതി തീരുമാനിച്ചു. ചിദംബരത്തിന്റെ മുന്‍കൂര്‍ ജാമ്യാപേക്ഷ സുപ്രീംകോടതി നേരത്തെ തള്ളി. സിബിഐ അറസ്റ്റ് ചെയ്തതോടെ മുന്‍കൂര്‍ ജാമ്യാപേക്ഷ അപ്രസക്തമായെന്ന് സുപ്രീംകോടതി വ്യക്തമാക്കി.
"
https://www.facebook.com/Malayalivartha
