നടു റോഡിൽ സ്വന്തം ജീപ്പിന് തീയിട്ട യുവാവിനെ പോലീസ് അറസ്റ്റ് ചെയ്തു ; തീയിടാൻ കാരണം അറിഞ്ഞവർ ഞെട്ടി
നടു റോഡിൽ സ്വന്തം ജീപ്പിന് തീയിട്ട യുവാവിനെ പോലീസ് അറസ്റ്റ് ചെയ്തു. സംഭവത്തിന്റെ വീഡിയോ വൈറലായി. ടിക് ടോക്കിന് വേണ്ടിയാണ് ഇങ്ങനെ ചെയ്തെന്നാണ് വിശദീകരണം. ഗുജറാത്തിലെ രാജ്കോട്ട് സ്വദേശിയായ ഇന്ദ്രജീത് സിങ് ജഡേജയാണ് അറസ്റ്റിലായിരിക്കുന്നത്. അഗ്നിശമന സേനാ ഓഫിസിൻറെ മുന്നിലായി വാഹനങ്ങൾ ചീറി പാഞ്ഞു പോകുന്ന റോഡിന്റെ നടുക്കായിരുന്നു ഇയാള് ജീപ്പിന് പെട്രോള് ഒഴിച്ച് തീകൊളുത്തിയത്. ടിക് ടോക് വീഡിയോയ്ക്കായി ജീപ്പ് സ്റ്റാര്ട്ട് ചെയ്യാന് ശ്രമിച്ചപ്പോള് വണ്ടി ഓണായില്ല. ഇതിൽ പ്രകോപിതനായാണ് ഇന്ദ്രജീത് ജീപ്പ് കത്തിച്ചത്. ജീപ്പിന് തീയിട്ട ശേഷം ഒന്നും സംഭവിച്ചിട്ടില്ലാത്ത മട്ടില് ഇയാള് നടന്നുപോകുന്നതും വീഡിയോയില് കാണാം.
ഇയാള് ജീപ്പ് കത്തിക്കുന്നതിന്റെ വീഡിയോ ടിക്ടോക്കിലും മറ്റ് സാമൂഹ്യ മാധ്യമങ്ങളിലും വ്യാപകമായി പ്രചരിച്ചു കഴിഞ്ഞു. ഇയാളുടെ പ്രവര്ത്തിക്കെതിരെ രൂക്ഷവിമര്ശനമാണ് സോഷ്യല് മീഡിയയില് ഉയരു ന്നത്. ഇയാൾക്കെതിരെ കേസെടുക്കണമെന്ന ആവശ്യങ്ങൾ ഉയരുന്നു. പിന്നാലെ ഇയാള്ക്കെതിരെ കേസെടുത്ത് അറസ്റ്റ് ചെയ്യുകയായിരുന്നു. . ജീപ്പിന്റെ ഡീസല് ടാങ്ക് പൊട്ടിത്തെറിച്ചിരുന്നെങ്കില് സമീപമുണ്ടായിരുന്ന എല്ലാവരും കൊല്ലപ്പെടുമായിരുന്ന സാഹചര്യം ഒഴിവായി. ഇയാള്ക്കെതിരെ വധശ്രമത്തിന് കേസെടുക്കണമെന്നും ആവശ്യം ഉയരുന്നു.
https://www.facebook.com/Malayalivartha