ആദായനികുതി റിട്ടേണ് (ഐടിആര്) ഫയല് ചെയ്യാനുള്ള അന്തിമകാലാവധി നീട്ടിയതായി ഇപ്പോൾ സോഷ്യല് മീഡിയയില് ആദായ നികുതി വകുപ്പിന്റേത് എന്ന മട്ടിൽ പ്രചരിക്കുന്ന വിജ്ഞാപനം വ്യാജം ആണെന്ന് ആദായനികുതി വകുപ്പ്
ആദായനികുതി റിട്ടേണ് (ഐടിആര്) ഫയല് ചെയ്യാനുള്ള അന്തിമകാലാവധി നീട്ടിയതായി ഇപ്പോൾ സോഷ്യല് മീഡിയയില് ആദായ നികുതി വകുപ്പിന്റേത് എന്ന മട്ടിൽ പ്രചരിക്കുന്ന വിജ്ഞാപനം വ്യാജം ആണെന്ന് ആദായനികുതി വകുപ്പ് വ്യക്തമാക്കി.
എന്നാൽ ഇത് വ്യാജമാണെന്നും സോഷ്യൽ മീഡിയയിൽ പ്രചരിക്കുന്ന ഉത്തരവ് യഥാർത്ഥമല്ലെന്നും ആദായനികുതി വകുപ്പ് തന്നെ അറിയിച്ചു. ട്വിറ്ററിലൂടെയാണ് ആദായനികുതി വകുപ്പ്്അധികൃതർ ഇത് സംബന്ധിച്ച് പോസ്റ്റ് ഇട്ടിരിക്കുന്നത്. സെപ്തംബർ 30 തന്നെയാണ് റിട്ടേൺ സമർപ്പിക്കേണ്ട അവസാന തീയ്യതി
'സാമൂഹ്യ മാധ്യമങ്ങളില് പ്രചരിക്കുന്ന ഐടിആര് ഫയല് ചെയ്യുന്നതുമായി ബന്ധപ്പെട്ട തീയതി നീട്ടിയതായുള്ള അറിയിപ്പ് യഥാര്ത്ഥമല്ല. നികുതിദായകര് ഇത്തരം തെറ്റായ വാര്ത്തകള്ക്ക് ഇരയാകരുതെന്ന് നിര്ദ്ദേശിക്കുന്നു.' എന്നാണ് ആദായനികുതിവകുപ്പ് അറിയിക്കുന്നത് .. ട്വിറ്ററിലൂടെയാണ് ആദായനികുതി ഇക്കാര്യം അറിയിച്ചത്.
ആദായനികുതി നിയമത്തിലെ സെക്ഷന് 44 എബി പ്രകാരം, കമ്പനികള്, പങ്കാളിത്ത സ്ഥാപനങ്ങള്, മറ്റ് സ്ഥാപനങ്ങള് മുതലായ അക്കൗണ്ടുകള് ഓഡിറ്റുചെയ്യേണ്ട എല്ലാവരും ഐടിആര് ഫയല് ചെയ്യേണ്ട അവസാന തീയതി സെപ്റ്റംബര് 30 ആണ്. ഒരു സ്ഥാപനത്തിലെ പ്രവര്ത്തന പങ്കാളികളും (working partner) പരിധിക്കുള്ളില് പെടും.
എന്നാൽ ഈ തീയ്യതി സെപ്റ്റംബര് 30 തില് നിന്ന് ഒക്ടോബര് 15 വരെ നീട്ടിയിട്ടുണ്ടെന്നാണ് വ്യാജ വിജ്ഞാപത്തിൽ പറയുന്നത്. അതുപോലെതന്നെ വ്യക്തിഗത ഐടിആര് സമര്പ്പിക്കുന്ന തീയതി നീട്ടി എന്ന് പറഞ്ഞ് മറ്റൊരു വ്യാജ വിജ്ഞാപനം കഴിഞ്ഞ മാസം സോഷ്യല് മീഡിയയില് പ്രചാരത്തിലുണ്ടായിരുന്നു. ഇത്തരം പ്രചാരണങ്ങൾ അടിസ്ഥാന രഹിതമാണെന്ന് ഇൻകം ടാക്സ് അധികൃതർ അറിയിച്ചു
ഓഡിറ്റുചെയ്ത സ്ഥാപനങ്ങള്ക്കായി ഐടിആര് സമര്പ്പിക്കുന്നതിനുള്ള അവസാന തീയതി നവംബര് 30 വരെ നീട്ടണമെന്ന് അഭ്യര്ത്ഥിച്ച് ഇന്സ്റ്റിറ്റ്യൂട്ട് ഓഫ് ചാര്ട്ടേഡ് അക്കൗണ്ടന്റ്സ് ഓഫ് ഇന്ത്യ (ഐസിഎഐ) സെന്ട്രല് ബോര്ഡ് ഓഫ് ഡയറക്ട് ടാക്സിന് (സിബിഡിടി) കത്തെഴുതിയിരുന്നു.
വിവിധ ഭാഗങ്ങളില് നിന്നുണ്ടായ പ്രതികരണങ്ങളുടെ അടിസ്ഥാനത്തില് 2019-20 സാമ്പത്തിക വര്ഷത്തേക്കുള്ള പുതിയ വരുമാന റിട്ടേണുകള് സമര്പ്പിക്കുന്നതിലും ഐടിആര് ഫയല് ചെയ്യുന്നതിലും നികുതിദായകര് സാങ്കേതികവും പ്രായോഗികവുമായ ബുദ്ധിമുട്ടുകള് നേരിടുന്ന സാഹചര്യത്തില്, 2019 സെപ്റ്റംബര് 16 ന് സമര്പ്പിക്കാനുള്ള ഐടിആര് ഫോമുകളും, സെക്ഷന് 44 എബി പ്രകാരമുള്ള ടാക്സ് ഓഡിറ്റ് റിപ്പോര്ട്ടും സെപ്റ്റംബര് 30 നകം നല്കിയാല് മതിയെന്ന കാര്യം സിബിഡിടിക്ക് കൈമാറിയതായി അംഗങ്ങളെ അറിയിക്കുന്നു എന്നാണ് ഐസിഎഐ കുറിപ്പില് പറയുന്നത്
ഐടിആര്, ടിഎആര് ഫയലിംഗ് തീയതി നീട്ടുന്നതിനുള്ള അപേക്ഷ പരിഗണിക്കുന്നതിനായി സിബിഡിടിയുടെ ഓഫീസുമായി നിരന്തരം ബന്ധപ്പെടുന്നുണ്ടെന്നും ചാര്ട്ടേഡ് അക്കൗണ്ടന്റ്സ് ബോഡി വ്യക്തമാക്കിയിരുന്നു. ഐടിആര് ഫോമുകള്ക്കുള്ള യൂട്ടിലിറ്റികള് പുറത്തിറക്കുന്നതില് കാലതാമസമുണ്ടെന്നും സ്കീമുകള് പതിവായി മെച്ചപ്പെടുത്തുന്നുണ്ടെന്നും ബോഡി അറിയിച്ചു
https://www.facebook.com/Malayalivartha