റോഡിൻറെ നടുവിൽ സ്വന്തം കാറിന് തീയിട്ടു. പിന്നാലെ ആകാശത്തേക്ക് വെടിയുതിര്‍ത്തു. ഭീകരന്തരീക്ഷം ഉണ്ടാക്കിയ യുവാവിനെ പൊലീസ് പിടികൂടി . അപ്പോഴായിരുന്നു കാര്യം മനസിലായത്. അനധികൃതമായി ആയുധങ്ങള്‍ ഇവർ കൈവശം വച്ചിരുന്നു. ഉത്തര്‍പ്രദേശിലാണ് സംഭവം. ബുധനാഴ്ച വൈകുന്നേരത്തോടെയായിരുന്നു ഇത് നടന്നത്. ഇയാളുടെ ഈ പ്രവർത്തികൾ ഗതാഗതം തടസ്സപ്പെടുവാനും കാരണമായി.

ചൗധരിക്കൊപ്പം ഒരു സ്ത്രീയും ഉണ്ടായിരുന്നു. ഇയാൾക്ക് ഒപ്പമുണ്ടായിരുന്ന സ്ത്രീയുടെ കൈയിലും അനധികൃതമായി ആയുധങ്ങള്‍ ഉണ്ടായിരുന്നു. തീയിടുകയും ആകാശത്തേക്ക് വെടിവെക്കുകയും ചെയ്തു കഴിഞ്ഞിട്ട് ഇയാള്‍ ഓടിക്കൂടിയ ജനങ്ങളോട് മൈക്കിലൂടെ സംസാരിച്ചുവെന്നും സീനിയര്‍ പൊലീസ് സൂപ്രണ്ട് ഷലഭ് മാഥുര്‍ വ്യക്തമാക്കി. ഒടുവിൽ നാട്ടുകാരുടെ സഹായത്തോടെ യുവാവിനെ പിടിക്കൂടുകയും ഇവരുടെ പക്കൽ നിന്നും പൊലീസ് ആയുധങ്ങൾ പിടിച്ചെടുക്കുകയും ചെയ്തു.