ഇന്ത്യാ പാക് അതിര്ത്തിയില് ഭൂചലനം വീണ്ടും
ഇന്ത്യാ പാക് അതിര്ത്തിയിൽ ഭൂചലനം വീണ്ടും. ഇന്ന് ഉച്ചയ്ക്ക് 12.31ഓടെയാണ് റിക്ടര് സ്കെയിലില് 4.8 തീവ്രത രേഖപ്പെടുത്തിയ ഭൂചലനം ഉണ്ടായത്. പാക് അധീന കശ്മീരിലെ മിര്പ്പൂരിലാണ് ഭൂമികുലുക്കമുണ്ടായത്. രണ്ട് ദിവസങ്ങള്ക്ക് മുമ്ബ് പ്രദേശത്തുണ്ടായ ഭൂചലനത്തില് 38 പേര്ക്ക് ജീവന് നഷ്ടമാകുകയും കെട്ടിടങ്ങള്ക്കും റോഡുകള്ക്കും കേടുപാടുകള് സംഭവിക്കുകയും ചെയ്തിരുന്നു.
തുടര്ച്ചയായ ഭൂചലനങ്ങള് ഉണ്ടാവുന്നതിനെ തുടര്ന്ന് പ്രദേശത്തെ ജനങ്ങള് ഭീതിയിലാണെന്ന് റിപ്പോര്ട്ട്. ചില ആശുപത്രികളില് നിന്ന് മുന്കരുതലെന്ന നിലയില് രോഗികളെ മാറ്റിപാര്പ്പിച്ചു. കഴിഞ്ഞ ഭൂകമ്ബത്തില് തകര്ന്ന കെട്ടിടങ്ങളില് രക്ഷാ പ്രവര്ത്തനം പുരോഗമിക്കുന്നതിനിടെയാണ് വീണ്ടും അടുത്ത ഭൂചലനമുണ്ടായത്.
https://www.facebook.com/Malayalivartha