പാകിസ്ഥാനെന്ന രാജ്യവുമായി സമാധാനപരമായ സഹവര്‍ത്തിത്വം ഇന്ത്യ ആഗ്രഹിക്കുന്നതായി ഉപരാഷ്ട്രപതി വെങ്കയ്യനായിഡു. ഭീകരതയെ പ്രോത്സാഹിപ്പിക്കുന്ന പാകിസ്ഥാൻ ഇന്ത്യയുടെ ‘അസ്വസ്ഥരായ അയല്‍ക്കാരനായിട്ടാണ് അദ്ദേഹം വിശേഷിപ്പിച്ചിരിക്കുന്നത്. ആ അയൽക്കാരിൽ നിന്നും സമാധാനപരമായ ഒരു സഹവര്‍ത്തിത്വം ഇന്ത്യ ആഗ്രഹിക്കുന്നുവെന്ന് ഉപരാഷ്ട്രപതി വ്യക്തമാക്കി.എന്നാൽ പാകിസ്ഥാനെ പേരെടുത്തു അദ്ദേഹം പറയാതെ ആണ് ഈ പരാമർശം നടത്തിയത്. ജാതീയതയുടെയും മത മൗലികവാദത്തിന്റെയും സംഭവങ്ങള്‍ രാജ്യത്ത് വിരളമാണ്. പക്ഷേ ഒറ്റപ്പെട്ട ചില സംഭവങ്ങള്‍ രാജ്യത്തിന് ചീത്തപേരുണ്ടാക്കുന്നുവെന്ന് വെങ്കയ്യ നായിഡു സൂചിപ്പിക്കുകയുണ്ടായി.

എബിവിപി ഒരുക്കിയ യശ്വന്ത്‌റാവു കേല്‍ക്കര്‍ അനുസ്മരണ പ്രഭാഷണ പരിപാടിയില്‍ പങ്കെടുക്കവെയാണ് അദ്ദേഹം ഈ കാര്യങ്ങൾ സംസാരിച്ചത്. പിരമല്‍ ഗ്രൂപ്പ് ചെയര്‍മാന്‍ അജയ് പിരമലിൻറെ സാനിധ്യവും പരിപാടിയില്‍ ഉണ്ടായിരുന്നു . അയല്‍രാജ്യങ്ങള്‍ ഉള്‍പ്പെടെയുള്ള എല്ലാ രാജ്യങ്ങളുമായും സമാധാനപരമായ സഹവര്‍ത്തിത്വമാണ് ഇന്ത്യ ആഗ്രഹിക്കുന്നത്. എന്നാൽ നമ്മുടെ അയൽക്കാർ തീവ്രവാദത്തെ സഹായിക്കുന്നു . ധനസഹായം നല്‍കുകയും പരിശീലിപ്പിക്കുകയും ചെയ്യുന്നു. ഇത്തരത്തിൽ പ്രശ്‌നക്കാരായ ഞങ്ങളുടെ അയല്‍ക്കാരുമായിട്ട് ഞങ്ങള്‍ സമാധാനത്തോടെ തുടരാന്‍ ആഗ്രഹിക്കുന്നുവെന്നും പറഞ്ഞ അദ്ദേഹം പക്ഷേ ഇന്ത്യയുടെ ആഭ്യന്തര കാര്യങ്ങളില്‍ ഇടപെടാതിരിക്കുന്നതാണ് അയല്‍രാജ്യങ്ങള്‍ക്കും നല്ലത് എന്ന കാര്യവും വ്യക്തമാക്കി.