മഹാരാഷ്ട്രയില് ശിവസേന സര്ക്കാര് അധികാരത്തിലേക്ക്...
മഹാരാഷ്ട്രയില് ശിവസേനാ സര്ക്കാര് അധികാരത്തിലെത്തുമ്പോള് പിന്തുണ പ്രഖ്യാപിച്ച് കോണ്ഗ്രസും എന്.സി.പിയും. ശിവസേനയെ പിന്തുണച്ചുകൊണ്ട് കോണ്ഗ്രസ് രാജ്ഭവനിലേക്ക് കത്ത് ഫാക്സ് ചെയ്തു. കോണ്ഗ്രസ് ഇടക്കാല അധ്യക്ഷ സോണിയ ഗാന്ധി രാജസ്ഥാനിലെ റിസോര്ട്ടില് കഴിയുന്ന പാര്ട്ടി എം.എല്.എമാരുമായി സംസാരിച്ചു. തുടര്ന്നാണ് ശിവസേനയെ പിന്തുണയ്ക്കുന്ന കത്ത് രാജ്ഭവനിലേക്ക് കൈമാറിയത്.
ശിവസേനാ അധ്യക്ഷന് ഉദ്ധവ് താക്കറെയും സോണിയ ഗാന്ധിയുമായി ഫോണില് ചര്ച്ച നടത്തിയിരുന്നു. ഇതിന് ശേഷമാണ് പിന്തുണ നല്കാന് കോണ്ഗ്രസ് തീരുമാനിച്ചത്. കോണ്ഗ്രസ് നേതാക്കളായ മുകുള് വാസ്നിക്, അശോക് ചവാന്, പൃഥിരാജ് ചവാന്, ബാലാസാഹെബ് തോറാട്, രാജീവ് സത്വ്, മണിക്റാവു താക്കറെ എന്നിവരും കൂടിക്കാഴ്ച നടത്തിയിരുന്നു. കോണ്ഗ്രസിന്റെയും എന്.സി.പിയുടെയും പിന്തുണ ഉറപ്പിച്ചതോടെ ശിവസേനാ നേതാക്കളായ ഏക്നാഥ് ഷിന്ഡെ, ആദിത്യ താക്കറെ എന്നിവര് രാജ്ഭവനിലെത്തി.
മല്ലികാര്ജുന് ഖാര്ഗെ, എ.കെ ആന്റണി എന്നിവരുള്പ്പെടെയുള്ള മുതിര്ന്ന നേതാക്കള് കോണ്ഗ്രസ് ഇടക്കാല അധ്യക്ഷ സോണിയാ ഗാന്ധിയുടെ വസതിയില് കൂടിക്കാഴ്ച നടത്തിയിരുന്നു. ഈ യോഗത്തിന് ശേഷമാണ് ശിവസേനയെ പിന്തുണയ്ക്കാന് തീരുമാനിച്ചത്. മഹാരാഷ്ട്രയിലെ കോണ്ഗ്രസ് സംസ്ഥാന നേതൃത്വത്തിന്റെ സമ്മര്ദ്ദമാണ് ഫലം കണ്ടത്. ദേശീയ നേതൃത്വത്തിന് ശിവസേനയെ പിന്തുണയ്ക്കുന്നതിനോട് യോജിപ്പില്ലായിരുന്നു. എന്നാല് ബി.ജെ.പിയെ മാറ്റി നിര്ത്താന് ശിവസേനയ്ക്ക് പിന്തുണ നല്കണമെന്ന ശക്തമായ നിലപാടിലായിരുന്നു പാര്ട്ടി സംസ്ഥാന നേതൃത്വം. പൊതു മിനിമം പരിപാടിയുടെ അടിസഥാനത്തിലാണ് കോണ്ഗ്രസ് പിന്തുണയെന്നാണ് സൂചന. സ്പീക്കര് സ്ഥാനം കോണ്ഗ്രസ് ആവശ്യപ്പെട്ടേക്കുമെന്നും റിപ്പോര്ട്ടുകളുണ്ട്.
https://www.facebook.com/Malayalivartha
