ഐഐടി വിദ്യാര്ത്ഥിനിയുടെ മരണം... അധ്യാപകന് സുദര്ശന് പത്മനാഭനെ വീണ്ടും ചോദ്യം ചെയ്തു
ഐഐടി വിദ്യാര്ത്ഥിനി ഫാത്തിമ ലത്തീഫിന്റെ മരണത്തില് ആരോപണ വിധേയനായ അധ്യാപകന് സുദര്ശന് പത്മനാഭനെ അന്വേഷണ സംഘം വീണ്ടും ചോദ്യം ചെയ്തു. ഐ ഐ ടി ക്യാമ്പസ് കേന്ദ്രീകരിച്ചാണ് സെന്ട്രല് ക്രൈം ബ്രാഞ്ച് സംഘം ഇതുവരെ അന്വേഷണം നടത്തിയത്. അധ്യാപകരും വിദ്യാര്ത്ഥികളുമെല്ലാമായി 17 പേരില് നിന്നാണ് ഇതുവരെ മൊഴിയെടുത്തത്. ഫാത്തിമയുടെ മരണത്തില് കുറ്റാരോപിതരായ സുദര്ശന് പത്മനാഭന് ഉള്പ്പെടെയുള്ള അധ്യാപകരെ ഇന്ന് വീണ്ടും ചോദ്യം ചെയ്തു. മിലിന്ദ്, ഹേമചന്ദ്രന് എന്നീ അധ്യാപകരെയും ചോദ്യം ചെയ്യലിന് വിളിപ്പിച്ചു. ഐഐടി ക്യാംപസിനുള്ളിലെ ഗസ്റ്റ് ഹൗസില് വെച്ചാണ് ഇവരെ ചോദ്യം ചെയ്തത്.
ക്യാംപസ് വിട്ടു പോകരുതെന്ന് നേരത്തെ ഇവര്ക്ക് അന്വേഷണം സംഘം നിര്ദേശം നല്കിയിരുന്നു. 10 വിദ്യാര്ത്ഥികള്ക്ക് അന്വേഷണ സംഘം നേരത്തെ മൊഴി നല്കാനായി സമന്സയച്ചിരുന്നു. ആദ്യം മൊഴിയെടുത്ത വിദ്യാര്ത്ഥികളില് നിന്ന് വീണ്ടും മൊഴി രേഖപ്പെടുത്തിയിട്ടുണ്ട്. അവധിക്ക് നാട്ടില് പോയ 6 വിദ്യാര്ത്ഥികളില് നിന്ന് ഫോണ് വഴിയാണ് മൊഴി രേഖപ്പെടുത്തിയത്. ക്യാംപസിലുണ്ടായിരുന്നവരില് നിന്ന് നേരിട്ട് മൊഴിയെടുത്തു.
https://www.facebook.com/Malayalivartha