ജെഎന്യുവിലെ വിദ്യാര്ഥിപ്രക്ഷോഭം അവസാനിപ്പിക്കാനുള്ള നിര്ദേശങ്ങള് കേന്ദ്ര മാനവിക വിഭവശേഷി മന്ത്രാലയത്തിന് തിങ്കളാഴ്ച സമര്പ്പിക്കുമെന്ന് ഉന്നതാധികാര സമിതി
ജെഎന്യുവിലെ വിദ്യാര്ഥിപ്രക്ഷോഭം അവസാനിപ്പിക്കാനുള്ള നിര്ദേശങ്ങള് കേന്ദ്ര മാനവിക വിഭവശേഷി മന്ത്രാലയത്തിന് തിങ്കളാഴ്ച സമര്പ്പിക്കുമെന്ന് ഉന്നതാധികാര സമിതി. യൂണിയന് ഭാരവാഹികളുമായി ക്യാമ്ബസില് നടന്ന രണ്ടാംവട്ട ചര്ച്ചയിലാണ് സമിതി ഇതറിയിച്ചത്. ക്യാമ്പസില് നിയമപരവും ജനാധിപത്യപരവുമായ സംവിധാനങ്ങള് എല്ലാം അട്ടിമറിക്കപ്പെട്ടെന്ന് കമ്മിറ്റിക്ക് ബോധ്യമായെന്ന് വിദ്യാര്ഥികള് പറഞ്ഞു.
സംവിധാനങ്ങളുടെ ജനകീയസ്വഭാവം പുനഃസ്ഥാപിച്ചാല് സമരം അവസാനിപ്പിക്കുമോ എന്ന് മൂന്നംഗ സമിതി യോഗത്തില് ആരാഞ്ഞു.ഫീസ് വര്ധന പൂര്ണമായി പിന്വലിക്കണമെന്ന ആവശ്യത്തില് യൂണിയന് പ്രസിഡന്റ് ഐഷി ഘോഷ് അടക്കമുള്ളവര് ഉറച്ചുനിന്നു. യുജിസി വൈസ് ചെയര്മാന് പ്രൊഫ. വി എസ് ചൗഹാന്, എഐസിടിഇ ചെയര്മാന് പ്രൊഫ. അനില് സഹസ്രബുധെ, യുജിസി സെക്രട്ടറി പ്രൊഫ. രജ്നീഷ് ജെയിന് എന്നിവരടങ്ങുന്ന സമിതി വൈകിട്ടാണ് ക്യാമ്പസിലെത്തിയത്.
https://www.facebook.com/Malayalivartha
